News March 20, 2025
అన్నమయ్య జిల్లా సైబర్ క్రైమ్ సీఐగా మహమ్మద్ అలీ
అన్నమయ్య జిల్లా సైబర్ క్రైమ్ నూతన సీఐగా బుధవారం ఎస్. మహమ్మద్ అలీ బాధ్యతలు చేపట్టారు. అనంతరం జిల్లా ఎస్పీ విద్యాసాగర్ నాయుడిని జిల్లా పోలీసు ప్రధాన కార్యాలయంలో మర్యాదపూర్వకంగా కలిసి పుష్పగుచ్ఛం అందజేశారు. ఎస్పీ నూతన ఇన్స్పెక్టర్‌కి సూచనలు చేశారు. సైబర్ నేరాలు చాలా వేగంగా పెరుగుతున్నాయని, ఆన్లైన్ మోసాలు, సోషల్ మీడియా నేరాలు, డేటా చోరీలు వంటివాటిపై సీఐ నిఘా పెంచి కేసులు ఛేదించాలని చెప్పారు.
Similar News
News November 29, 2025
iBOMMA అంటే ఇంటర్నెట్ బొమ్మ: రవి
TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.
News November 29, 2025
గద్వాల: సర్పంచ్ వేలం పాటలు నిరోధించేందుకు అవగాహన
గ్రామపంచాయతీ ఎన్నికలవేళ జిల్లాలో సర్పంచుల పదవులకు జరుగుతున్న వేలంపాటలు నిరోధానికి ఎన్నికల అధికారులు, పోలీసులు ప్రజలకు అవగాహన కల్పిస్తున్నారని గద్వాల కలెక్టర్ సంతోష్ శనివారం తెలిపారు. మొదటి విడత ఎన్నికలు జరిగే గద్వాల, ధరూర్, కేటీదొడ్డి, గట్టు మండలాల్లో పర్యటించి అవగాహన కల్పించారని తెలిపారు. ఓటర్లు ప్రలోభాలకు లొంగరాదని సూచించారు. ప్రశాంత వాతావరణంలో నిర్భయంగా ఓటు హక్కు వినియోగించుకోవాలన్నారు.
News November 29, 2025
ట్రంప్ షాక్‌తో భారీగా పడిపోయిన ఎగుమతులు
అమెరికా అధ్యక్షుడు డొనాల్డ్ ట్రంప్ విధించిన భారీ టారిఫ్‌లతో 2025 మే నుంచి అక్టోబర్ మధ్య భారత ఎగుమతులు 28.5% క్షీణించాయని GTRI వెల్లడించింది. ముఖ్యంగా రత్నాలు, నగలు, టెక్స్‌టైల్‌ , కెమికల్స్, సముద్ర ఆహారం వంటి రంగాలు 31% వరకూ నష్టపోయాయి. స్మార్ట్‌ఫోన్ ఎగుమతులు 36% పడిపోయాయి. సుంకాలు తగ్గించేందుకు ప్రభుత్వం నుంచి చర్యలు ఆలస్యం కావడం పరిస్థితిని మరింత కఠినతరం చేస్తోందని GTRI హెచ్చరించింది.