News April 12, 2025
అప్పుల భారంతో అంగన్వాడీ టీచర్ ఆత్మహత్య
అల్లవరం మండలం తాడికోనకు చెందిన అంగన్వాడీ టీచర్ గెడ్డం నాగమణి అప్పుల బాధతో ఆత్మహత్య చేసుకుందని అల్లవరం ఎస్ఐ తిరుమలరావు శుక్రవారం తెలిపారు. 20 రోజుల క్రితం గడ్డి మందు తాగి సూసైడ్‌కు పాల్పడిన ఆమెను అమలాపురం ప్రైవేట్ ఆస్పత్రిలో చేర్పించగా అక్కడ చికిత్స పొందుతూ మృతి చెందిందన్నారు. ఆమె అప్పులు చేసి కొత్తగా ఇల్లు కట్టిందన్నారు. అప్పుల బాధతో ఆత్మహత్య చేసుకుందని చెప్పారు. దీనిపై కేసు నమోదు చేశామన్నారు.
Similar News
News November 30, 2025
ఖమ్మం: 20 ఏళ్లుగా ఎన్నికలకు నోచుకోని వార్డులు
ఏన్కూరు(M) నూకలంపాడు గ్రామ పంచాయతీలో విచిత్ర పరిస్థితి నెలకొంది. ఈ గ్రామంలో మొత్తం 8 వార్డులు ఉండగా, అందులో 4 వార్డులు STలకు రిజర్వ్ చేయబడ్డాయి. అయితే గ్రామంలో ఒక్క ST ఓటరు కూడా లేకపోవడంతో, ఈ 4 వార్డులు దాదాపు 2 దశాబ్దాలుగా ఎన్నికలకు దూరంగా ఉన్నాయి. ఈసారి జరగనున్న ఎన్నికల్లో కూడా ఈ వార్డులకు నామినేషన్లు వేసే అవకాశం లేదు. అలాగే సర్పంచి కూడా ST రిజర్వ్ కావడంతో ఉపసర్పంచే సర్పంచిగా వ్యవహరిస్తున్నారు.
News November 30, 2025
పార్వతీపురం: ‘ఎయిడ్స్ రహిత సమాజం మనందరి బాధ్యత’
ఎయిడ్స్ రహిత సమాజం మనందరి బాధ్యత అని జిల్లా వైద్యారోగ్యశాఖ అధికారి డా ఎస్. భాస్కరరావు పేర్కొన్నారు. ఈ మేరకు ఆదివారం స్థానిక కార్యాలయంలో సమావేశం ఏర్పాటు చేశారు. ఐసిటిసి కేంద్రాల్లో ఆరోగ్య కేంద్రాలు, ఆసుపత్రుల్లో హెచ్ఐవి నిర్ధారణ పరీక్షలు అందుబాటులో ఉన్నాయన్నారు. ప్రతీ గర్భిణికి హెచ్ఐవి పరీక్ష తప్పనిసరిగా చేయించాలన్నారు. మన ఆరోగ్య భద్రత మన చేతిలో ఉందని, సురక్షిత జీవన శైలి పద్ధతులు అవలంబించాలన్నారు.
News November 30, 2025
టెక్కలి: ఒకేరోజు ఏడుగురికి అస్వస్థత.. ఒకరు మృతి
టెక్కలి జిల్లా ఆసుపత్రిలో ఆదివారం సంతబొమ్మాళి మండలం తాళ్లవలస గ్రామానికి చెందిన ఏడుగురు డయేరియా లక్షణాలతో చేరారు. వీరిలో గ్రామానికి చెందిన మార్పు చిన్నారావు(65) ఆదివారం మధ్యాహ్నం చికిత్స పొందుతూ మృతిచెందారు. మిగతా వారికి చికిత్స అందిస్తున్నారు. మరింత సమాచారం తెలియాల్సి ఉంది.