News September 18, 2024
అబద్దాల పునాదులపై ఏర్పడిందే కాంగ్రెస్‌ సర్కార్: హరీష్ రావు
అబ్దాల పునాదులపై ఏర్పడిందే కాంగ్రెస్‌ సర్కార్ అని మాజీ మంత్రి హరీశ్‌రావు అన్నారు. రాష్ట్రం అప్పుల పాలైందని సీఎం రేవంత్‌ రెడ్డి చేసిన వ్యాఖ్యలపై హరీశ్‌రావు ఆగ్రహం వ్యక్తం చేశారు. 16వ ఆర్థిక సంఘం ముందు మళ్లీ అవే అబద్దాలను వల్లెవేయడం సిగ్గు చేటన్నారు. రాష్ట్ర ప్రతిష్టను, పరపతిని దిగజార్చేలా వ్యవహరించడం దుర్మార్గమని మండిపడ్డారు. మెదక్లో ఆయన మంగళవారం విలేకరుల సమావేశం నిర్వహించారు.
Similar News
News October 13, 2024
పుల్కల్: సింగూరులో స్నానానికి వెళ్లిన వ్యక్తి మృతి
పుల్కల్ మండలం సింగూరు నదిలో స్నానానికి వెళ్లిన వ్యక్తి మృతి చెందారు. పోలీసుల కథనం ప్రకారం.. సింగూరు గ్రామానికి చెందిన విటల్ (42) శనివారం సాయంత్రం స్నానం కోసం సింగూరు నదిలోకి వెళ్లారు. సింగూరు దిగువ భాగాన స్నానం చేస్తుండగా నదిలో గల్లంతయ్యాడు. విషయం తెలుసుకున్న పోలీసులు వెంటనే గాలింపు చర్యలు చేపట్టారు. ఆదివారం మృతదేహాన్ని వెలికి తీశారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
News October 13, 2024
మెదక్లో ఈనెల15న టేబుల్ టెన్నిస్ ఎంపికలు
మెదక్ జిల్లా టేబుల్ టెన్నిస్ అసోషియేషన్ ఆద్వర్యంలో ఉమ్మడి మెదక్ జిల్లాస్థాయి టోర్నమెంట్ ఈనెల 15న సెలక్షన్స్ (ఎంపిక పోటీలు) గుల్షన్ క్లబ్ మెదక్లో నిర్వహిస్తున్నట్లు కార్యదర్శి డా. కొక్కొండ ప్రభు తెలిపారు. జూనియర్, సీనియర్ విభాగాలలో బాల, బాలికలకు ఓపెన్ కేటగిరిలో స్త్రీ, పురుషులకు పోటీలుంటాయని తెలిపారు. ఆసక్తిగల క్రీడాకారులు పుట్టిన తేదీ దృవ పత్రాలతో డి.రవితేజ, అనిష్‌లను సంప్రదించాలని సూచించారు.
News October 13, 2024
సిద్దిపేట: ‘అందరికి శుభం జరగాలి’
సిద్దిపేట జిల్లా కేంద్రంలోని నర్సాపూర్, రంగాధంపల్లి, రూరల్ పోలీస్ స్టేషన్ చౌరస్తాలో దసరా వేడుకల్లో భాగంగా ఏర్పాటు చేసిన రావణ దహన కార్యక్రమంలో మాజీ మంత్రి, ఎమ్మెల్యే హరీష్ రావు పాల్గొన్నారు. ఈ సందర్బంగా హరీష్ రావు మాట్లాడుతూ.. విజయ దశమి అంటే చెడుపై మంచి విజయం సాధించడమని అన్నారు. ఈరోజు పాల పిట్టను చూస్తే మంచి జరుగుతుందని, అందరికి శుభం జరగాలని ఆకాంక్షించారు.