News February 17, 2025
అరకు: క్వెస్ట్‌లో విజేతలకు నగదు బహుమతి
అల్లూరి జిల్లా అరకు చలి ఉత్సవంలో ది గ్రేట్ అరకు క్వెస్ట్‌లో గెలుపొందిన విజేతలకు పాడేరు కలెక్టరేట్లో కలెక్టర్ దినేష్ కుమార్ నగదు బహుమతి ఆదివారం అందించారు. ప్రథమ స్థానంలో నిలిచిన ధ్రువ అండ్ టీమ్‌కు రూ. 50,000, ద్వితీయ స్థానంలో ఉన్న మంగతల్లి టీమ్‌కు రూ. 30,000, తృతియ బహుమతి రూ. 20,000లను భాస్కర్ రెడ్డి టీమ్‌కి అందజేశారు. మ్యూజియం క్యూరేటర్ వి మురళి, ఆయా బృంద సభ్యులు పాల్గొన్నారు.
Similar News
News March 18, 2025
ములుగు: అనుమానస్పద స్థితిలో మహిళా మృతి..?
కాటాపూర్ గ్రామానికి చెందిన ఈశ్వరి అనే మహిళ సోమవారం మధ్యాహ్నం ఆత్మహత్య చేసుకున్న విషయం తెలిసిందే. అనుమానస్పద స్థితిలో ఉరేసుకొని ఆత్మహత్య చేసుకున్నట్లు స్థానికులు తెలిపారు. మృతి చెందిన ఈశ్వరి పక్కింటి వారితో గొడవపడ్డారని.. అనంతరం ఆమె ఇంట్లో మృతిచెంది కనిపించిందని తెలిపారు. ఈశ్వరి ఒంటిపై గాయాలు ఉన్నాయని పోలీసులు ఘటన స్థలానికి చేరుకొని హత్యనా.? ఆత్మహత్యనా.? అనే కోణంలో విచారిస్తున్నారు.
News March 18, 2025
వింత వ్యాధి.. సూర్యాపేట జిల్లాలో భయం.. భయం..!
సూర్యాపేట జిల్లా పెన్ పహాడ్ సహా వివిధ మండలాల్లో వీధి కుక్కలకు పది రోజులుగా వింత వ్యాధి సోకుతోందని స్థానికులు తెలిపారు. వాటి శరీరంపై పుండ్లు వ్యాపించి, నల్లరంగుతో కూడిన మచ్చలు ఏర్పడుతున్నాయన్నారు. ఓ కుక్క రెండు రోజుల క్రితం మూడేళ్ల బాలుడిని కరిచేందుకు వెంటాడింది. దీంతో తల్లిదండ్రులు ఆందోళన చెందుతున్నారన్నారు. చిన్నారులకు ప్రాణహాని ఉందని, అధికారులు స్పందించి సమస్య పరిష్కరించాలని కోరుతున్నారు.
News March 18, 2025
MNCL: ఈ నంబర్లకు కాల్ చేయండి..!
ఏప్రిల్ 6న భద్రాచలంలో జరిగే శ్రీ సీతారాముల కళ్యాణోత్సవానికి వెళ్లలేని భక్తుల సౌకర్యార్థం లాజిస్టిక్ సేవ విభాగం ఆధ్వర్యంలో ఇంటి వద్దకే కళ్యాణ తలంబ్రాలు పంపిణీకి బుకింగ్‌ను సోమవారం మంచిర్యాల ఆర్టీసి డిపో మేనేజర్ జనార్దన్ ప్రారంభించారు. అనంతరం మాట్లాడుతూ.. కళ్యాణం జరిగిన తర్వాత ముత్యాల తలంబ్రాలను పంపిణీ చేస్తామని తెలిపారు. అవసరమైన వారు 7382841860, 9866771482, 9154298541 నంబర్లలో సంప్రదించాలన్నారు.