News January 27, 2025
అర్హులకు 4 పథకాలను అందజేస్తాం: ASF కలెక్టర్
అర్హులందరికీ 4 ప్రభుత్వ పథకాలు అందిస్తామని జిల్లా కలెక్టర్ వెంకటేష్ దోత్రే అన్నారు. ఆదివారం వాంకిడి మండలం జైత్పూర్ గ్రామంలో రైతు భరోసా,ఇందిరమ్మ ఆత్మీయ భరోసా,రేషన్ కార్డులు,ఇందిరమ్మ ఇళ్ల పథకాల లబ్ధిదారులకు పత్రాలను అందజేశారు. ఈ నెల 21, 22, 23, 24 తేదీల్లో పథకాలపై గ్రామసభలు నిర్వహించినట్లు చెప్పారు.
Similar News
News November 29, 2025
మెదక్: డిసెంబర్ 1 నుంచి D.El.Ed పరీక్షలు
ఉమ్మడి మెదక్ జిల్లాలోని డీఎల్‌ఈడీ(D.El.Ed.) ప్రథమ సంవత్సరం పరీక్షలు డిసెంబర్ 1 నుంచి 6వ తేదీ వరకు నిర్వహించనున్నట్లు జిల్లా విద్యాశాఖాధికారులు తెలిపారు. ఈ పరీక్షలు ఉదయం 9 గంటల నుంచి మధ్యాహ్నం 12 గంటల వరకు జరుగుతాయని పేర్కొన్నారు. ఛాత్రోపాధ్యాయులు bse.telangana.gov.in వెబ్‌సైట్ ద్వారా తమ హాల్‌ టికెట్లను డౌన్‌లోడ్ చేసుకోవాలని సూచించారు. పరీక్షా కేంద్రాలకు సమయానికి చేరుకోవాలని కోరారు.
News November 29, 2025
BREAKING.. సారంగాపూర్: సర్పంచ్ పదవికి రూ.5.60 లక్షల వేలం
సారంగాపూర్ మం. మహవీర్ తండా గ్రామ పంచాయతీ సర్పంచ్ పదవికి వేలం నిర్వహించడం చర్చనీయాంశమైంది. ST మహిళకు రిజర్వ్ అయిన ఈ స్థానాన్ని, ఆ మహిళ కుటుంబ సభ్యులు ఏకంగా రూ.5.60 లక్షలకు వేలం పాడి దక్కించుకున్నారు. ఒకే పంచాయతీ పరిధిలో ఉన్న మహవీర్ నగర్, దుర్గనగర్ గ్రామాల్లో దాదాపు 500 మంది ఓటర్లు ఉన్నారు. 2 తండాల ప్రజలు సర్పంచ్ పదవిపై పోటీ పడగా, చివరకు వేలం నిర్వహించి మహవీర్ తండాకు చెందిన మహిళకు పదవి ఖరారు చేశారు.
News November 29, 2025
కుప్పం హైవే విస్తరణకు ఏకంగా రూ.15 వందల కోట్లు
పలమనేరు నుంచి కుప్పం మీదుగా ఆంధ్ర బార్డర్ వరకు సుమారు 84 కిలోమీటర్ల మేర జాతీయ రహదారి విస్తరణకు కేంద్రం గ్రీన్ సిగ్నల్ ఇస్తూ రూ.1500 కోట్లు మంజూరు చేసినట్లు తెలుస్తోంది. ప్రస్తుతం ఉన్న రెండు లైన్ల రోడ్డును నాలుగు లైన్ల రోడ్డుగా మార్చడంతో పాటు బైపాస్ రోడ్ల నిర్మాణం, కల్వర్టులు, ఫ్లై ఓవర్ నిర్మాణానికి సంబంధించి నిధులు మంజూరు అయ్యాయట. కాగా దీనికి సంబంధించి డీపీఆర్ సైతం సిద్ధమవుతున్నట్లు తెలుస్తోంది.