News March 2, 2025

అల్లూరి: చెట్టుపై నుంచి పడి ఒకరి మృతి

ముంగర్లపాలెంలో చెట్టుపై నుంచి పడి ఓ వ్యక్తి మృతి చెందినట్లు గొలుగొండ ఎస్ఐ పీ.రామారావు ఆదివారం తెలిపారు. జీ మాడుగుల మండలం గడుతూరుకు చెందిన గెమ్మెలి శేఖర్‌ తన చిన్నాన్న గ్రామమైన మండలంలోని సీతకండికి కూలీ పనుల నిమిత్తం వచ్చాడు. ఈ క్రమంలో ముంగర్లపాలెంలో చింతచెట్టు ఎక్కగా చెట్టుపై నుంచి పడిపోవడంతో మృతి చెందాడు. దీంతో పోస్టుమార్టం నిర్వహించి మృతదేహాన్ని బంధువులకు అప్పగించామని చెప్పారు.