News March 1, 2025
అల్లూరి జిల్లాలో నేటి నుంచి కొత్త ట్రాఫిక్ రూల్స్
కొత్త వాహన చట్టాన్ని మార్చి 1వ తేదీ నుంచి అమల్లోకి తెచ్చేందుకు జిల్లా అధికారులు చర్యలు చేపట్టారని కొయ్యూరు ఎస్ఐ పీ.కిషోర్ వర్మ తెలిపారు. ఇకపై హెల్మెట్ లేకుండా వాహనం నడిపితే రూ.1,000, డ్రైవింగ్ లైసెన్స్ లేకుంటే రూ.5వేలు, మద్యం తాగి, సెల్ఫోన్ పట్టుకుని వాహనం నడిపితే రూ.10వేలు, నెంబర్ ప్లేట్ సరిగ్గా లేకుంటే రూ.2వేలు జరిమానా విధించనున్నారు.వాహనదారులు ట్రాఫిక్ నియమాలను పాటించి, సహకరించాలని సూచించారు.
Similar News
News January 1, 2026
HYD: NEW YEAR వాట్సాప్ విషెస్ వచ్చాయా?
HAPPY NEW YEAR అని వాట్సాప్లో ఫొటో వచ్చిందా? జాగ్రత్త. ఈ ఫొటోలో బైనరీ కోడ్ ఉండొచ్చు. దాన్ని డౌన్లోడ్ చేస్తే మాల్వేర్ ఇన్స్టాల్ అయ్యి పర్సనల్ డేటా అంతా సైబర్ నేరగాళ్ల చేతుల్లోకి పోతుంది. దీన్నే డిజిటల్ స్టినోగ్రఫీ స్కామ్ అంటారని నగర పోలీసులు చెబుతున్నారు. OTPలు, బ్యాంక్ వివరాలు అన్నీ వాళ్ల ఆధీనంలోకి వెళ్తాయి. కొత్త నంబర్ల నుంచి వాట్సాప్ మెసేజ్ వస్తే అస్సలు డౌన్లోడ్ చేయొద్దని హెచ్చరించారు.
News January 1, 2026
అనకాపల్లి: ‘SC, ST అట్రాసిటీ చట్టాన్ని పటిష్ఠంగా అమలు చేయాలి’
జిల్లాలో SC, ST అట్రాసిటీ చట్టాన్ని పటిష్ఠంగా అమలు చేయాలని కలెక్టర్ విజయ కృష్ణన్ ఆదేశించారు. బుధవారం అనకాపల్లి కలెక్టరేట్లో విజిలెన్స్ మానిటరింగ్ కమిటీ సమావేశాన్ని ఆమె నిర్వహించారు. SC, ST అట్రాసిటీ కేసుల్లో బాధితులకు సత్వర న్యాయం జరగాలన్నారు. ఇందుకోసం సకాలంలో ఛార్జ్షీట్ దాఖలు చేయాలని సూచించారు. ఈ సమావేశంలో ఎస్పీ తుహీన్ సిన్హా పాల్గొన్నారు.
News January 1, 2026
అనకాపల్లి: 15 మండలాల్లో క్రీడా మైదానాల నిర్మాణానికి నిధులు
అనకాపల్లి జిల్లాలో 15 మండలాల్లో క్రీడా మైదానాల నిర్మాణానికి నిధులు మంజూరైనట్లు జిల్లా క్రీడల శాఖ అధికారిణి పూజారి శైలజ తెలిపారు. బుధవారం నాతవరంలో ఆమె మాట్లాడారు. 14 మండలాల్లో క్రీడామైదానాల నిర్మాణ పనులు ప్రారంభం అయినట్లు శైలజ చెప్పారు. కోటవురట్ల ప్రభుత్వ హైస్కూల్ గ్రౌండ్ స్థల వివాదం కోర్టులో ఉండడంతో అక్కడ పనులు చేపట్టలేదని అన్నారు. విద్యార్థులు క్రీడలు పట్ల ఆసక్తి చూపించాలన్నారు.