News March 13, 2025
‘అల్లూరి జిల్లాలో భూములు రిజిస్ట్రేషన్ చేయండి’
అల్లూరి జిల్లాలో భూములకు సంబంధించి సరైన రికార్డులు లేవని రిజిస్ట్రేషన్ ప్రక్రియ లో మార్పులు అవసరమని రంపచోడవరం ఎమ్మెల్యే శిరీషదేవి అసెంబ్లీలో బుధవారం అన్నారు. చాలామందికి డి.నమూనా పట్టాలు ఉన్నాయని వీటి ద్వారానే రిజిస్ట్రేషన్ చేయాలన్నారు. వారసత్వం ప్రకారం భూమి విభజన చేసి పట్టాలు అందజేయాలని, చాలామందికి పట్టాలు లేకపోవడం వలన ప్రభుత్వం నుంచి సంక్షేమ పథకాలు, బ్యాంక్ రుణాలు పొందలేకపోతున్నారన్నారు.
Similar News
News November 30, 2025
ఖమ్మం: 20 ఏళ్లుగా ఎన్నికలకు నోచుకోని వార్డులు
ఏన్కూరు(M) నూకలంపాడు గ్రామ పంచాయతీలో విచిత్ర పరిస్థితి నెలకొంది. ఈ గ్రామంలో మొత్తం 8 వార్డులు ఉండగా, అందులో 4 వార్డులు STలకు రిజర్వ్ చేయబడ్డాయి. అయితే గ్రామంలో ఒక్క ST ఓటరు కూడా లేకపోవడంతో, ఈ 4 వార్డులు దాదాపు 2 దశాబ్దాలుగా ఎన్నికలకు దూరంగా ఉన్నాయి. ఈసారి జరగనున్న ఎన్నికల్లో కూడా ఈ వార్డులకు నామినేషన్లు వేసే అవకాశం లేదు. అలాగే సర్పంచి కూడా ST రిజర్వ్ కావడంతో ఉపసర్పంచే సర్పంచిగా వ్యవహరిస్తున్నారు.
News November 30, 2025
పార్వతీపురం: ‘ఎయిడ్స్ రహిత సమాజం మనందరి బాధ్యత’
ఎయిడ్స్ రహిత సమాజం మనందరి బాధ్యత అని జిల్లా వైద్యారోగ్యశాఖ అధికారి డా ఎస్. భాస్కరరావు పేర్కొన్నారు. ఈ మేరకు ఆదివారం స్థానిక కార్యాలయంలో సమావేశం ఏర్పాటు చేశారు. ఐసిటిసి కేంద్రాల్లో ఆరోగ్య కేంద్రాలు, ఆసుపత్రుల్లో హెచ్ఐవి నిర్ధారణ పరీక్షలు అందుబాటులో ఉన్నాయన్నారు. ప్రతీ గర్భిణికి హెచ్ఐవి పరీక్ష తప్పనిసరిగా చేయించాలన్నారు. మన ఆరోగ్య భద్రత మన చేతిలో ఉందని, సురక్షిత జీవన శైలి పద్ధతులు అవలంబించాలన్నారు.
News November 30, 2025
టెక్కలి: ఒకేరోజు ఏడుగురికి అస్వస్థత.. ఒకరు మృతి
టెక్కలి జిల్లా ఆసుపత్రిలో ఆదివారం సంతబొమ్మాళి మండలం తాళ్లవలస గ్రామానికి చెందిన ఏడుగురు డయేరియా లక్షణాలతో చేరారు. వీరిలో గ్రామానికి చెందిన మార్పు చిన్నారావు(65) ఆదివారం మధ్యాహ్నం చికిత్స పొందుతూ మృతిచెందారు. మిగతా వారికి చికిత్స అందిస్తున్నారు. మరింత సమాచారం తెలియాల్సి ఉంది.