News March 11, 2025
అల్లూరి జిల్లాలో 71 పరీక్ష కేంద్రాలు
అల్లూరి జిల్లాలో పదో తరగతి పరీక్షలకు 71 కేంద్రాలు ఏర్పాటు చేస్తున్నట్లు DEO బ్రహ్మాజీరావు తెలిపారు. మంగళవారం పాడేరులో నిర్వహించిన మీడియా సమావేశంలో ఆయన మాట్లాడుతూ.. మొత్తం 258 పాఠశాలలకు చెందిన 11,766 మంది విద్యార్థులు పరీక్షలు రాయనున్నట్లు పేర్కొన్నారు. వీరిలో బాలురు 5,476, బాలికలు 6,290 మంది ఉన్నారు. నలుగురు ఫ్లైయింగ్ స్క్వాడ్స్, 20 సెంటర్స్‌లో సీసీ కెమెరాలు ఏర్పాటు చేస్తున్నామని ఆయన తెలిపారు.
Similar News
News November 29, 2025
ఘోర రోడ్డు ప్రమాదం.. ఐదుగురు మృతి
AP: కర్నూలు జిల్లాలో జరిగిన ఘోర రోడ్డు ప్రమాదంలో ఐదుగురు మరణించారు. కర్ణాటకకు చెందిన ఓ కారు ఎమ్మిగనూరు నుంచి బెంగళూరు వెళ్తుండగా కోటేకల్ కొండ మలుపు వద్ద ఆదోని నుంచి వస్తున్న మరో కారు ఢీకొట్టింది. ఈ ప్రమాదంలో ఇద్దరు చిన్నారులు సహా ఐదుగురు అక్కడికక్కడే చనిపోయారు. మృతుల వివరాలు తెలియాల్సి ఉంది. ఇటీవల కర్నూలు జిల్లాలోనే ప్రైవేటు ట్రావెల్స్ బస్సు దగ్ధమై 19 మంది మరణించిన విషయం తెలిసిందే.
News November 29, 2025
డోన్‌లో భారీగా నగదు.. 21 ఫోన్లు స్వాధీనం.!
డోన్ జాతీయ రహదారిపై ఉన్నతాధికారుల ఆదేశాలతో DSP ఆధ్వర్యంలో తెల్లవారుజామున సీఐ ఇంతియాజ్ తనిఖీలు నిర్వహించారు. ఇద్దరు మైనర్లను అదుపులోకితీసుకొని వారి వద్ద నుంచి రూ.లక్షా ఐదువేల విలువైన 21 సెల్ ఫోన్‌లను స్వాధీనం చేసుకున్నామన్నారు. వారి తల్లిదండ్రులను అదుపులోకి తీసుకొనగా.. దొంగ ఫోన్లు అమ్మి డబ్బు సంపాదించుకుంటున్నారని విచారణలో తెలింది. తనిఖీల్లో SI శరత్ కుమార్, పోలీస్ సిబ్బంది పాల్గొన్నారు.
News November 29, 2025
INDW vs SLW: వైజాగ్‌లో రెండు మ్యాచులు
AP: భారత మహిళల జట్టు, శ్రీలంక ఉమెన్స్ టీమ్ 5 టీ20ల సిరీస్‌లో తలపడనున్నాయి. డిసెంబర్ 21 నుంచి 30 వరకు కొనసాగనున్న ఈ సిరీస్ విశాఖ నుంచే ప్రారంభం కానుంది. దీనికి సంబంధించి వెన్యూస్‌ని BCCI ఖరారు చేసింది. DEC 21, 23 తేదీల్లో తొలి రెండు టీ20 మ్యాచులు విశాఖ వేదికగా జరగనున్నాయి. అలాగే 26, 28, 30 తేదీల్లో జరగాల్సిన 3 మ్యాచులకు తిరువనంతపురం ఆతిథ్యం ఇవ్వనుంది.