News February 28, 2025
అవార్డులు అందుకున్న అంబాజీపేట శాస్త్రవేత్తలు
అంబాజీపేట కొబ్బరి పరిశోధన కేంద్రానికి చెందిన శాస్త్రవేత్తల బృందం గురువారం జీవవైవిధ్య నియంత్రణలో విశిష్ట విస్తరణ కార్యానికి చండీస్ ఆర్ బలాల్ పురస్కారం అందుకున్నారు. బెంగళూరులో జరిగిన సమావేశంలో సైంటిస్టులు చలపతిరావు, నీరజ, గోవర్ధనరావు, కిరీటి, అనూష, సునీత బృందానికి ఈ అవార్డు అందజేశారు. కొబ్బరి, కోకోలో జీవ నియంత్రణ పద్ధతులతో పురుగులు, తెగుళ్ల యాజమాన్యంపై చేసిన పరిశోధనలకు గుర్తింపు లభించిందన్నారు.
Similar News
News November 29, 2025
పెద్దపల్లి: అమరవీరుల స్థూపం వద్ద కొప్పుల ఈశ్వర్ నివాళులు
పెద్దపల్లి జిల్లా బస్టాండ్‌ ఆవరణలోని తెలంగాణ అమరవీరుల స్థూపం వద్ద ‘దీక్షా దివస్’ సందర్భంగా మాజీ మంత్రి కొప్పుల ఈశ్వర్ నివాళులర్పించారు. ఈ కార్యక్రమంలో మాజీ ఎమ్మెల్యేలు దాసరి మనోహర్ రెడ్డి, కోరుకంటి చందర్, పుట్ట మధుకర్ సహా బీఆర్‌ఎస్‌ జిల్లా అధ్యక్షులు, పార్టీ శ్రేణులు పాల్గొన్నారు. తెలంగాణ సిద్ధికై ప్రాణాలర్పించిన అమరుల త్యాగాలను స్మరించుకుంటూ వీరంతా ఘనంగా నివాళులు అర్పించారు.
News November 29, 2025
డ్రగ్ ఫ్రీ విశాఖ నినాదంతో ‘వైజాగ్ మారథాన్’
విశాఖ బీచ్ రోడ్డు వేదికగా ఆదివారం 4వ ఎడిషన్ ‘వైజాగ్ మారథాన్’ జరగనుంది. ‘డ్రగ్ ఫ్రీ విశాఖ’ నినాదంతో వైజాగ్ రన్నర్స్ ఆధ్వర్యంలో ఎంజీఎం గ్రౌండ్స్ వద్ద ఉదయం 4 గంటలకు పరుగు ప్రారంభం కానుంది. ఈసారి గిరి ప్రదక్షిణ స్ఫూర్తితో ప్రత్యేకంగా 32 కిలోమీటర్ల పరుగును చేర్చడం ప్రధాన ఆకర్షణ. వీటితో పాటు 5కే, 10కే, 21కే విభాగాల్లో సుమారు 8 వేల మంది రన్నర్లు పాల్గొంటారని నిర్వాహకులు తెలిపారు.
News November 29, 2025
సంగారెడ్డిలో ప్రజావాణి రద్దు: కలెక్టర్ ప్రావీణ్య
గ్రామ పంచాయతీ ఎన్నికల ప్రక్రియ కొనసాగుతున్న నేపథ్యంలో డిసెంబర్ 1న నిర్వహించాల్సిన ప్రజావాణి కార్యక్రమాన్ని రద్దు చేస్తున్నట్లు సంగారెడ్డి కలెక్టర్ ప్రావీణ్య శనివారం పేర్కొన్నారు. ఎన్నికలు ముగిసే వరకు ప్రజావాణి కార్యక్రమం ఉండబోదని స్పష్టం చేశారు. స్థానిక సంస్థల ఎన్నికలు పూర్తయిన వెంటనే ప్రజావాణి యధావిధిగా కొనసాగుతుందని, ఈ మార్పును ప్రజలు గమనించాలని, అధికారులకు సహకరించాలని కలెక్టర్ కోరారు.