News November 16, 2024

అసాంఘిక కార్యకలాపాల నియంత్రణకు చర్యలు: ఎస్పీ

నంద్యాల జిల్లాలో అసాంఘిక కార్యకలాపాల నియంత్రణపై ప్రత్యేక దృష్టి సారించినట్లు ఎస్పీ అధిరాజ్ సింగ్ రాణా తెలిపారు. రేవనూరు, సిరివెళ్ల పోలీస్ స్టేషన్‌ల పరిధిలో పోలీసులు వేరువేరుగా నిర్వహించిన దాడుల్లో మట్కా నిర్వహిస్తున్న ఆరుగురిని అదుపులోకి తీసుకుని, వారి వద్ద నుంచి 92 మట్కా చిటీలు, రూ.2,65,317 నగదు స్వాధీనం చేసుకున్నట్లు ఎస్పీ వెల్లడించారు. చట్ట వ్యతిరేక కార్యకలాపాలకు పాల్పడితే చర్యలు తప్పవన్నారు.