News January 10, 2026
ఆకర్షణీయంగా ఇంటిగ్రేటెడ్ స్కూల్: కలెక్టర్ రిజ్వాన్ బాషా
స్టేషన్ ఘనపూర్ నియోజకవర్గంలో నిర్మించబోతున్న ఇంటిగ్రేటెడ్ స్కూల్ జిల్లాలోనే ప్రత్యేక ఆకర్షణగా నిలవనుందని కలెక్టర్ షేక్ రిజ్వాన్ బాషా అన్నారు. జఫర్గఢ్ మండలంలో జరిగిన శంకుస్థాపన కార్యక్రమంలో ఆయన మాట్లాడుతూ.. MLA కడియం శ్రీహరి చొరవతోనే జిల్లాలో మొట్టమొదటి ఇంటిగ్రేటెడ్ స్కూల్ మంజూరైందని తెలిపారు. ఈ పాఠశాల ద్వారా విద్యార్థులకు అత్యాధునిక వసతులు అందుతాయని, నిర్మాణాన్ని సత్వరమే పూర్తి చేస్తామన్నారు.
Similar News
News January 12, 2026
వరంగల్: BRSలోకి తక్కలపల్లి రవీందర్ రావు
మాజీ ఎమ్మెల్యే పెద్ది సుదర్శన్ రెడ్డి ఆధ్వర్యంలో కేటీఆర్ సమక్షంలో కాంగ్రెస్ పార్టీ వరంగల్ జిల్లా అధికార ప్రతినిధి తక్కలపల్లి రవీందర్ రావు ఈరోజు బీఆర్ఎస్లో చేరారు. ఆయనతోపాటు పలువురు కాంగ్రెస్ నాయకులు కూడా చేరారు. అనంతరం మాజీ మంత్రి హరీశ్రావును కలిశారు. రానున్న మున్సిపల్ ఎన్నికల్లో బీఆర్ఎస్ను గెలిపించి, కాంగ్రెస్ అవినీతికి చెక్ పెట్టాలని పిలుపునిచ్చారు.
News January 12, 2026
భూపాలపల్లి: ‘ధాన్యం ట్యాబ్ ఎంట్రీల్లో నిర్లక్ష్యం వహిస్తే కఠిన చర్యలు’
జిల్లాలో ధాన్యం కొనుగోలు పూర్తయిన వెంటనే ట్యాబ్ ఎంట్రీలు సకాలంలో నమోదు చేయాలని, నిర్లక్ష్యం వహిస్తే కఠిన చర్యలు తీసుకుంటామని రెవెన్యూ అదనపు కలెక్టర్ అశోక్ కుమార్ హెచ్చరించారు. సోమవారం అదనపు కలెక్టర్ ఛాంబర్లో పౌర సరఫరాలు, సహకార శాఖ, డీఆర్డీఏ అధికారులు, కొనుగోలు కేంద్రాల ఇన్ఛార్జీలతో సమీక్ష నిర్వహించారు. ఎంట్రీల ఆలస్యం వల్ల రైతులకు చెల్లింపులు ఆలస్యమవుతాయని, రోజువారీగా డేటా నమోదు చేయాలన్నారు.
News January 12, 2026
పాసు పుస్తకాలు పంపిణీకి ఏర్పాటు చేయాలి: కలెక్టర్
కలెక్టరేటు గౌతమీ సమావేశ మందిరంలో సోమవారం పట్టాదారు పాసుపుస్తకాల పంపిణీ పై అధికారులతో కలెక్టర్ వెట్రి సెల్వి సమీక్షించారు. రెండవ విడత పట్టాదారు పాసుపుస్తకాలు ఫిబ్రవరి రెండవ వారంలో జరిగే పంపిణీకి సిద్ధం చెయ్యాలని, 13 మండలాలకు సంబంధించి 14 గ్రామాలకు రీ సర్వే పూర్తి చేసి సిద్ధం చెయ్యాలన్నారు. 170 గ్రామాలకు 66,126 పట్టాదారు పాసుపుస్తకాలు రాగా, 62,483 పంపిణీ జరిగాయన్నారు.