News September 6, 2024
ఆగస్టు నెలలో రూ.125.67 కోట్ల హుండీ ఆదాయం
తిరుమలలోని శ్రీ వేంకటేశ్వర స్వామి ఆలయానికి ఆగస్టు నెలలో రూ.125.67 కోట్ల హుండీ ఆదాయం వచ్చిందని టీటీడీ ప్రకటించింది. గత నెలలోనే దాదాపు 22.42 లక్షల మంది భక్తులు కొండ గుడిలో పూజలు చేశారని ఈవో జే.శ్యామలరావు తెలిపారు. లడ్డూలు రూ.1.06 కోట్లకు అమ్ముడయ్యాయని చెప్పారు. 24.33 లక్షల మంది భక్తులకు అన్నప్రసాదం అందించగా.. 9.49 లక్షల మంది తలనీలాలు సమర్పించారన్నారు.
Similar News
News November 30, 2025
చిత్తూరు: టెన్త్ ఎగ్జామ్ ఫీజు చెల్లింపు గడువు పొడిగింపు
మార్చిలో టెన్త్ పబ్లిక్ పరీక్షలకు చెల్లించాల్సిన పరీక్షఫీజు గడువు ఈనెల 25 నుంచి డిసెంబరు 6వరకు పొడిగించినట్లు డీఈవో వరలక్ష్మి తెలిపారు. ఉన్నత పాఠశాలల్లోని టెన్త్ పరీక్షలు రాసే రెగ్యులర్, ఒకేషనల్ విద్యార్థులకు ఫైన్ లేకుండా డిసెంబరు 6వ తేదీలోపు చెల్లించాలన్నారు. రూ.50 అపరాధ రుసుముతో డిసెంబరు 9వరకు, రూ.200 అపరాధ రుసుంతో 12వ వరకు, రూ.500 అపరాధ రుసుముతో డిసెంబర్ 15 లోపు చెల్లించవచ్చన్నారు.
News November 30, 2025
చిత్తూరు: భారీ వర్షాలు.. ఈ నంబర్ సేవ్ చేసుకోండి.!
తుఫాను వల్ల క్షేత్రస్థాయిలో ఏవైనా సమస్యలు తలెత్తితే కలెక్టరేట్‌లో ఏర్పాటు చేసిన కంట్రోల్ రూంకు తెలియజేయాలని కలెక్టర్ సుమిత్ కుమార్ సూచించారు. 9491077325, 08572-242777కు ఫిర్యాదు చేయవచ్చన్నారు. అన్ని శాఖల అధికారులు, క్షేత్రస్థాయి సిబ్బంది సెలవులను రద్దు చేసుకుని ప్రజలకు అందుబాటులో ఉండాలన్నారు. క్షేత్రస్థాయిలో విద్యుత్ సమస్యలు తలెత్తకుండా చర్యలు చేపట్టాలన్నారు.
News November 30, 2025
కాణిపాకంలో అండర్ గ్రౌండ్ కేబుల్..!
కాణిపాకం ఆలయాన్ని APSPDCL సీఎండీ శివశంకర్ శనివారం సందర్శించారు. ఆయనకు ఎమ్మెల్యే మురళీమోహన్, ఈవో పెంచల కిషోర్, ఛైర్మన్ మణి నాయుడు స్వాగతం పలికారు. స్వామివారి చిత్రపటాన్ని అందజేశారు. దర్శనం అనంతరం అధికారులు ఆలయ మర్యాదలతో సన్మానించారు. ఆలయ అభివృద్ధికి తమ శాఖ ఆధ్వర్యంలో సేవలందించేందుకు ముందుంటామని చెప్పారు. కాణిపాకంలో అండర్ గ్రౌండ్ కేబుల్ విధానానికి అంచనాలు పంపాలని అధికారులకు సూచించారు.