News June 7, 2024
ఆదిలాబాద్: హమ్మయ్య..! చల్లబడిన వాతావరణం
ఉమ్మడి ఆదిలాబాద్ జిల్లాలోని పలు ప్రాంతాల్లో రెండు, మూడు రోజులుగా అక్కడక్కడ ఈదురుగాలులతో కూడిన వర్షం కురవడంతో వాతావరణం కాస్త చల్లబడింది. ఎండవేడిమి తగ్గినా.. ఉక్కపోత అలాగే ఉండటంతో ఒకటి, రెండు భారీ వర్షాల కోసం ప్రజలు ఎదురుచూస్తున్నారు. మొన్నటి వరకు ఉగ్రరూపం చూపిన భానుడు వర్షం ప్రభావం వల్ల కొంత చల్లబడ్డాడు. ఈ నెలలో 47 డిగ్రీల వరకు చేరుకున్న ఉష్ణోగ్రతలు ఒక్కసారిగా 37, 35 డిగ్రీలకు పడిపోయాయి.
Similar News
News December 13, 2024
ADB: ఇందిరమ్మ ఇళ్ల సర్వేపై కలెక్టర్ వీడియో కాన్ఫరెన్స్
ఇందిరమ్మ ఇళ్ల సర్వేపై సంబంధిత అధికారులతో ఆదిలాబాద్ కలెక్టర్ రాజర్షి షా వీడియో కాన్ఫరెన్స్ నిర్వహించారు. ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకానికి సంబంధించి మొబైల్ యాప్ ద్వారా నిర్వహిస్తున్న క్షేత్రస్థాయి సర్వే ప్రక్రియను ఈ నెల డిసెంబర్ చివరి నాటికి ఎలాంటి తప్పులు దొర్లకుండా పకడ్బందీగా పూర్తి చేయాలని ఆదేశించారు. సర్వేను ఎలాంటి పొరపాట్లకు తావులేకుండా పక్కాగ చేయలన్నారు.
News December 12, 2024
ADB: లోక్ అదాలత్ సద్వినియోగం చేసుకోండి: ఎస్పీ
ఈనెల 14న జరిగే జాతీయ లోక్ అదాలత్‌ను ప్రజలందరూ సద్వినియోగం చేసుకోవాలని ఆదిలాబాద్ ఎస్పీ గౌస్ ఆలం పేర్కొన్నారు. ప్రజలు ఈ సువర్ణ అవకాశాన్ని సద్వినియోగం చేసుకోవాలని తెలిపారు. ముఖ్యంగా కోర్టులలో ఏళ్ల పాటుగా పరిష్కరించబడని కేసులు రాజీ పడటంతో తక్షణం పరిష్కరించబడి సమయం, డబ్బులు, వృధా కాకుండా ఉంటాయన్నారు. లోక్ అదాలత్ ద్వారా సత్వర న్యాయాన్ని పొంది ఉపశమనం పొందవచ్చు అని అన్నారు.
News December 12, 2024
ADB: జిల్లాలో పలువురు ఎస్ఐలకు స్థానచలనం
ఉమ్మడి ఆదిలాబాద్ జిల్లాలో పలువురు ఎస్ఐలకు స్థాన చలనం కల్పిస్తూ ఇన్స్పెక్టర్ జనరల్ ఆఫ్ మల్టీ జోన్ 1 డిఐజి ఉత్తర్వులు జారీ చేశారు. కొంతమంది ఎస్ఐలు ఇప్పటికే విధులు నిర్వహిస్తున్న ఆయా స్టేషన్లలోనే వారిని కొనసాగిస్తున్నట్లు ఉత్తర్వులు పేర్కొన్నారు. మరి కొంతమందిని స్థానచలనం కల్పించారు. ఇదిలా ఉంటే ఏ. భీంరావు కు ఎస్సైగా పదోన్నతి కల్పించారు.