News April 1, 2025
ఆర్అండ్‌బీ కార్యాలయం బోర్డులో అంబేడ్కర్ పేరు ఎక్కడ?
కోనసీమ జిల్లాను అంబేడ్కర్ కోనసీమ జిల్లాగా పేరు మార్చి చాలా రోజులు గడుస్తోంది. కానీ కొత్తపేట మండల రోడ్లు భవనాల శాఖ కార్యాలయం ముందు ఏర్పాటు చేసిన బోర్డులో కోనసీమ జిల్లా అని మాత్రమే ఉంది. కోనసీమ జిల్లాకు ముందు అంబేడ్కర్ పేరు లేకపోవడంతో స్థానికులు విస్మయం వ్యక్తం చేస్తున్నారు. ఇప్పటికైనా పేరు మార్చేలా చర్యలు తీసుకోవాలని కోరుతున్నారు.
Similar News
News April 18, 2025
NZB: జిల్లా ప్రజల ఆత్మీయతను మూట కట్టుకొని వెళ్తున్నా: జడ్జి
జిల్లా ప్రజలు, న్యాయవాదుల ఆత్మీయతను మూట కట్టుకొని వెళ్తున్నానని జిల్లా జడ్జి సునీత కుంచాల అన్నారు. నిజామాబాద్ బార్ అసోసియేషన్ ఆధ్వర్యంలో జడ్జికి గురువారం వీడ్కోలు సమావేశం ఏర్పాటు చేశారు. ఆమె మాట్లాడుతూ.. న్యాయవాదులు, న్యాయమూర్తుల ఉమ్మడి లక్ష్యం కక్షిదారులకు కాలానుగుణంగా న్యాయ సేవలు అందించడమేనన్నారు. సివిల్, క్రిమినల్ కేసులను పరిష్కరించే వరకు సమష్టిగా శ్రమించామని గుర్తు చేశారు.
News April 18, 2025
నార్మల్ డెలివరీల సంఖ్య పెంచాలి: మంత్రి దామోదర
ప్రభుత్వ ఆసుపత్రుల్లో నార్మల్ డెలివరీల సంఖ్యను మరింత పెంచాలని అధికారులను వైద్య ఆరోగ్య శాఖ మంత్రి దామోదర రాజనర్సింహ ఆదేశించారు. హైదరాబాద్ సెక్రటేరియట్లో వైద్యశాఖ అధికారులతో సమీక్ష సమావేశంలో మాట్లాడారు. సరైన కారణం లేకుండా సిజేరియన్ డెలివరీలు చేస్తున్న ప్రైవేట్ ఆసుపత్రులపై కఠిన చర్యలు తీసుకోవాలని తెలిపారు. ప్రమోషన్ల ద్వారా ఖాళీ అయిన పోస్టుల భర్తీకి చర్యలు తీసుకుంటామని తెలిపారు.
News April 18, 2025
WGL: ఖుష్ మహల్ ప్రత్యేకత తెలుసా..?
ఓరుగల్లులోని చూడదగ్గ పర్యాటక ప్రాంతాల్లో ఖిలా వరంగల్ ఒకటి. ఇక్కడ చూసేందుకు అనేక ప్రదేశాలు ఉన్నప్పటికీ ఖుష్ మహల్ ప్రత్యేకం. 14వ శతాబ్దంలో నిర్మించిన ఈ ఖుష్ మహల్ తుగ్లక్ పాలన కాలంలో నిర్మించారు. ఈ నిర్మాణంపై ఇప్పటికీ తుగ్లక్ నిర్మాణ శైలి జాడలు కనిపిస్తాయి. ఢిల్లీలోని ఘియాత్ అల్ దిన్ తుగ్లక్ సమాధి, ఖుష్ మహల్ మధ్య నిర్మాణ సారూప్యత ఉందని చరిత్రకారులు చెబుతుంటారు. ఈ కట్టడాన్ని చూసారా.. కామెంట్ చేయండి.