News December 29, 2024
ఆర్మూర్: గుండెపోటుతో వ్యవసాయ కూలీ మృతి
గుండెపోటుతో వ్యవసాయ కూలీ మృతి చెందిన ఘటన మిర్దాపల్లి గ్రామంలో చోటుచేసుకుంది. ఆర్మూర్ సీఐ సత్యనారాయణ తెలిపిన వివరాల ప్రకారం.. బోధన్ మండలం కందుర్తికి చెందిన ఓ వ్యవసాయ కూలీ మిర్దాపల్లిలో పొలం పనులు చేసుకుంటూ జీవనం సాగిస్తున్నాడు. ఆదివారం పొలం గట్టుపై పనిచేస్తుండగా గుండెపోటు రావడంతో అక్కడికక్కడే కుప్పకూలిపోయాడు. మృతుడి భార్య ఫిర్యాదు మేరకు కేసు నమోదు చేసినట్లు సీఐ తెలిపారు.
Similar News
News January 6, 2025
NZB: కలెక్టరేట్‌ను ముట్టడించిన కార్మికులు
సివిల్ సప్లై కార్పొరేషన్ హమాలీలు 6వ రోజు సమ్మెలో భాగంగా కార్మికులు సోమవారం నిజామాబాద్ గిరిరాజ్ కళాశాల నుంచి ప్రదర్శన నిర్వహించి జిల్లా కలెక్టర్ కార్యాలయాన్ని ముట్టడించారు. వెంటనే జీవోను విడుదల చేయాలని జిల్లా అదనపు కలెక్టర్ అంకత్‌కు వినతిపత్రం అందజేశారు. కార్యక్రమంలో ఓమయ్య తదితరులు పాల్గొన్నారు.
News January 6, 2025
NZB: సూసైడ్ చేసుకున్న ఇంటర్ విద్యార్థిని
కాలేజీకి వెళ్ళమని చెప్పడంతో ఓ ఇంటర్ విద్యార్థిని ఉరేసుకొని ఆత్మహత్యకు పాల్పడిన ఘటన నిజామాబాద్‌లో చోటు చేసుకుంది. 3వ టౌన్ పరిధికి చెందిన లక్ష్య(16) ఇంటర్ మొదటి సంవత్సరం ఓ ప్రైవేటు కళాశాల హాస్టల్లో ఉంటూ చదువుతోంది. నెల రోజుల కిందట ఇంటికి వచ్చిన బాలిక తిరిగి వెళ్లలేదు. దీంతో కుటుంబ సభ్యులు హాస్టల్‌కు వెళ్లి చదువుకోవాలని చెప్పడంతో క్షణికావేశంలో బాలిక ఆత్మహత్య చేసుకున్నట్లు పోలీసులు చెప్పారు.
News January 6, 2025
KMR: నవోదయలో లైంగిక వేధింపులు.. టీచర్లకు రిమాండ్‌
కామారెడ్డి జిల్లా నిజాంసాగర్ జవహర్ నవోదయ విద్యాలయలో విద్యార్థులను లైంగికంగా వేధించిన నలుగురు ఉపాధ్యాయులపై కేసు నమోదు చేసినట్లు ఎస్ఐ శివకుమార్ తెలిపారు. వారిని అరెస్టు చేసి రిమాండ్‌కు తరలించినట్లు ఎస్ఐ వెల్లడించారు. ఈ ఘటనపై స్పందించిన ఉన్నతాధికారులు ఆ నలుగురు ఉపాధ్యాయులను సస్పెండ్ చేశారు. గతంలో విద్యార్థులపై అసభ్యంగా ప్రవర్తించిన ఓ ఉపాధ్యాయుడిని కర్ణాటకకు బదిలీ చేశారు.