News March 18, 2025
ఆసిఫాబాద్-ఉట్నూర్ రోడ్డుకు మరమ్మతులు చేపట్టాలి: MLA
ఆసిఫాబాద్ నుంచి ఉట్నూర్ వెళ్లే హస్నాపూర్ ప్రధాన రహదారి చాలా అధ్వానంగా మారిందని.. ప్రమాదాలు చాలా జరుగుతున్నాయని వెంటనే మరమ్మతులు చేపట్టాలని ఆసిఫాబాద్ ఎమ్మెల్యే కోవ లక్ష్మీ కోరారు. మంగళవారం అసెంబ్లీ సమావేశంలో ఆమె మాట్లాడారు. కెరమెరి ఘాట్లో నిత్యం వాహనాలు ప్రమాదాలు చోటు చేసుకుంటున్నాయని ఫారెస్ట్ క్లియరెన్స్ చేయాలని కోరారు. 6 కిలోమీటర్లు ఉన్న సింగిల్ రోడ్డుకు వెడల్పు పెంచాలని కోరారు.
Similar News
News March 19, 2025
జనగామ: ఇంటి వద్దకే భద్రాద్రి శ్రీ సీతారామ కళ్యాణ తలంబ్రాలు
జనగామ ఆర్టీసీ బస్సు డిపో కార్గో ద్వారా భక్తుల ఇంటివద్దకే శ్రీ సీతారాముల కళ్యాణ తలంబ్రాలు బుకింగ్ చేసుకునే అవకాశం కల్పించినట్లు డిపో మేనేజర్ స్వాతి తెలియజేశారు. తలంబ్రాల బుకింగ్ కొరకు కార్గో లాజిస్టిక్స్ మార్కెటింగ్ ఎగ్జిక్యూటివ్ అవినాశ్, కార్గో ఏజెంట్ రూ.151 చెల్లించి రశీదు తీసుకోవాలని సూచించారు. అనంతరం ఇంటి వద్దకు కార్గో ఏజెంట్ ద్వారా తలంబ్రాలు పంపిణీ చేస్తారని తెలిపారు.
News March 19, 2025
భూపాలపల్లి: కుష్టు వ్యాధి నిర్మూలనకు కృషి చేయాలి: వైద్యాధికారి
కుష్టు వ్యాధి నిర్మూలనకు కృషి చేయాలని జిల్లా వైద్యాధికారి డా.మధుసూదన్ పిలుపునిచ్చారు. మంగళవారం తన కార్యాలయంలో జరిగిన సమీక్షలో కుష్టి వ్యాధిపై పలు సూచనలు చేశారు. జాతీయ కుష్టు వ్యాధి నిర్మూలన కార్యక్రమంలో భాగంగా ఈనెల 17 నుంచి 30 వరకు జిల్లా వ్యాప్తంగా నిర్వహించే సర్వేకు సహకరించాలని కోరారు. వ్యాధిగ్రస్థులకు ప్రభుత్వం రూ.12 వేల చొప్పున అందిస్తుందన్నారు.
News March 19, 2025
వ్యోమగాముల తిరుగు ప్రయాణం స్ఫూర్తిదాయకం: CBN
వ్యోమగాములు సునీతా విలియమ్స్, విల్మోర్ సురక్షితంగా భూమిపైకి రావడంపై ఏపీ సీఎం చంద్రబాబు సంతోషం వ్యక్తం చేశారు. వారి తిరుగు ప్రయాణం, టీమ్ వర్క్ ఆదర్శప్రాయమైన మానవ సంకల్పాన్ని చూపిస్తుందని పేర్కొన్నారు. దీనిని సుసాధ్యం చేసినందుకు ప్రతి ఒక్కరినీ అభినందించారు. వ్యోమగాముల శక్తి సామర్థ్యాలకు సెల్యూట్ చేశారు.