News March 5, 2025
ఆసిఫాబాద్: పరీక్షా కేంద్రాన్ని సందర్శించిన ఎస్పీ
ఆసిఫాబాద్ జిల్లా కేంద్రంలోని తెలంగాణ రాష్ట్ర గిరిజన సంక్షేమ గురుకుల బాలుర పాఠశాలలో ఈరోజు నిర్వహిస్తున్న ఇంటర్మీడియట్ పరీక్ష కేంద్రాన్ని జిల్లా ఎస్పీ డీవీ శ్రీనివాసరావు ఆకస్మికంగా సందర్శించారు. పరీక్ష కేంద్రంలోని తరగతి గదులను తనిఖీ చేసిన ఆయన పరీక్షలు జరుగుతున్న సరళిని పరిశీలించారు. అనంతరం మాట్లాడుతూ.. జిల్లాలోని 19 పరీక్ష కేంద్రాల వద్ద బీఎన్ఎస్ఎస్ 163 అమలులో ఉందని తెలిపారు.
Similar News
News November 29, 2025
పిల్లల ఎత్తు వెనక హార్మోన్ల పాత్ర
సాధారణంగా పిల్లలు 18 ఏళ్ల వరకూ ఎత్తు పెరుగుతారని భావిస్తారు. నిజానికి అమ్మాయిల్లో రజస్వల అయ్యాక రెండేళ్ల తర్వాత ఎత్తు పెరగటం ఆగుతుంది. అబ్బాయిల్లో 16-18 ఏళ్ల వయసులో ఎత్తు పెరగటం నిలిచిపోతుంది. థైరాయిడ్‌ హార్మోన్లు, పిట్యుటరీ గ్రంథి నుంచి విడుదలయ్యే గ్రోత్‌ హార్మోన్లు, యౌవనదశలో లైంగిక హర్మోన్లు ఎత్తు మీద ప్రభావం చూపుతాయి. అందువల్ల పిల్లలు ఎత్తు పెరగటం లేదని గమనిస్తే డాక్టర్‌ను సంప్రదించటం మంచిది.
News November 29, 2025
పెరటి కోళ్లు – నాటు కోళ్ల పెంపకం.. ఏది బెస్ట్?
పెరటి కోళ్లు, నాటు కోళ్ల పెంపకంలో వేటితో మంచి లాభం వస్తుందనే సందేహం చాలా మందిలో ఉంటుంది. నాటు కోళ్లకు డిమాండ్ ఉన్నా అవి ఆలస్యంగా బరువు పెరగడం, తక్కువగా గుడ్లు పెట్టడం, నిర్వహణ కష్టంగా ఉంటుంది. పెరటి కోళ్లు తక్కువ సమయంలో అధిక బరువు పెరిగి, ఎక్కువ రోజులు గుడ్లు పెడతాయి. అందుకే పెరటి కోళ్ల పెంపకం లాభమంటున్నారు వెటర్నరీ నిపుణులు. అధిక ఆదాయమిచ్చే పెరటి కోళ్ల సమాచారానికి<<-se_10015>> పాడిపంట<<>> క్లిక్ చేయండి.
News November 29, 2025
నెల్లూరు: పద్ధతి మార్చుకోమన్నందుకు హత్య చేశారు.!
నెల్లూరు రూరల్ లిమిట్స్ కల్లూరుపల్లి RDT కాలనీకి చెందిన పెంచలయ్య <<18415490>>హత్య<<>> వెనుక అదే ప్రాంతానికి చెందిన కామాక్షి హస్తం ఉన్నట్లు రూరల్ DSP ఘట్టమనేని శ్రీనివాసరావు తెలిపారు. కామాక్షి నేర చరిత్ర కలిగిన వారికి ఆశ్రయం ఇవ్వడం, దొంగలతో అసాంఘిక కార్యక్రమాలు చేయించడాన్ని గుర్తించిన పెంచలయ్య పద్ధతి మార్చుకోవాలని హితవు పలికాడు. ఇది నచ్చని ఆమె హత్య చేయించినట్లు ఆయన పేర్కొన్నారు.