News February 21, 2025
ఆసిఫాబాద్: 22న జిల్లాలో విద్యాసంస్థలకు స్థానిక సెలవు
బంజారాల ఆరాధ్యదైవం సంత్ శ్రీ సేవాలాల్ మహారాజ్ జయంతి సందర్బంగా ఈనెల 22న కొమరం భీం ఆసిఫాబాద్ జిల్లాలో అన్ని విద్య సంస్థలకు స్థానిక సెలవు ప్రకటిస్తూ జిల్లా కలెక్టర్ వెంకటేష్ ధోత్రే గురువారం ఉత్తర్వులు జారీ చేశారు. 22న జిల్లా కేంద్రంలో సేవాలాల్ జయంతిని అధికారికంగా నిర్వహిస్తున్నట్లు తెలిపారు. కాగా ప్రకటించిన స్థానిక సెలవుకు బదులుగా ఏప్రిల్ 12న పని దినంగా పాటించాలని సూచించారు.
Similar News
News November 30, 2025
NGKL: రెండో విడత పంచాయతీ ఎన్నికలకు 103 నామినేషన్లు దాఖలు
నాగర్ కర్నూల్ జిల్లాలో రెండో విడత పంచాయతీ ఎన్నికల నామినేషన్ల స్వీకరణ మొదలైంది. ఆదివారం అధికారులు సర్పంచ్, వార్డు సభ్యులకు సంబంధించిన నామినేషన్లను స్వీకరించారు. మొత్తం 151 స్థానాలకు గాను మొదటి రోజు 103 నామినేషన్లు దాఖలు అయ్యాయి 1412 వార్డులకు సంబంధించి 95 నామినేషన్లు మాత్రమే దాఖలు అయ్యాయి. నామినేషన్ల స్వీకరణకు మరో రెండు రోజులు మాత్రమే గడువు ఉంది.
News November 30, 2025
రాజ్యాంగ రక్షణకు సైన్యం కావాలి: పరకాల ప్రభాకర్
భారత రాజ్యాంగం ప్రమాదంలో పడిందని దాన్ని కాపాడుకోవడానికి దళిత, బహుజన సైన్యం ఏర్పడాలని ప్రముఖ ఎకనామిస్ట్ పరకాల ప్రభాకర్ పిలుపునిచ్చారు. విశాఖలో అంబేద్కర్ భవన్‌లో ఆదివారం “భారతదేశ రాజకీయాలు- రాజ్యాంగ నైతికత సదస్సులో ఆయన మాట్లాడారు. దేశ రాజధానిలో ఊర కుక్కలపై ఉన్న స్పందన సుప్రీంకోర్టు ప్రధాన న్యాయమూర్తిపై చెప్పుతో దాడికి స్పందన రాకపోవటం విచారకరమన్నారు. రాజ్యాంగం దృష్టిలో అందరూ సమానమేనన్నారు.
News November 30, 2025
100 మీటర్ల దూరంలో ఆంక్షలు: ఎస్పీ నరసింహ
రెండో విడత సర్పంచ్ ఎన్నికల నామినేషన్ల సందర్భంగా మునగాల మండలంలోని రేపాలలోని నామినేషన్ కేంద్రాన్ని ఎస్పీ నరసింహ ఆదివారం పరిశీలించారు. ఎన్నికలకు ఐదు అంచెల పోలీసు భద్రత ఉండాలని అధికారులను ఆదేశించారు. నామినేషన్ కేంద్రాల వద్ద 100 మీటర్ల పరిధిలో ఆంక్షలు అమలు చేయాలని, అనుమతులు ఉన్న వ్యక్తులను మాత్రమే లోపలికి పంపించాలని ఆయన సూచించారు.