News November 16, 2024
ఆసుపత్రి సిబ్బంది సమయపాలన పాటించాలి: సూపరింటెండెంట్
ప్రభుత్వ వైద్యశాల సిబ్బంది ప్రతి ఒక్కరూ సమయపాలన పాటించాలని ఆసుపత్రి సూపరింటెండెంట్ వెంకటేశ్వర్లు అన్నారు. ప్రభుత్వ వైద్యశాల ధన్వంతరి కాన్ఫరెన్స్ హాల్‌లో మినిస్ట్రీయల్ స్టాఫ్‌తో సమీక్ష సమావేశం శనివారం నిర్వహించారు. ఆయన మాట్లాడుతూ.. ఆసుపత్రికి వచ్చే ప్రజల నుంచి ఫిర్యాదులు వస్తే, వాటిని త్వరగా పూర్తి చేయాలన్నారు. ఎటువంటి నిర్లక్ష్యం వహించరాదని ఆదేశించారు.
Similar News
News December 11, 2024
అన్నదాతకు అండగా ఉద్యమిస్తాం: కాటసాని
అన్నదాతలకు అండగా నిలబడి ఉద్యమిస్తామని వైసీపీ నంద్యాల జిల్లా అధ్యక్షుడు కాటసాని రాంభూపాల్ రెడ్డి అన్నారు. మంగళవారం కర్నూలులోని కార్యాలయంలో మీడియాతో మాట్లాడారు. కూటమి ప్రభుత్వాన్ని ప్రశ్నిస్తూ డిసెంబరు 13న రైతుల కోసం.. రైతులతో కలిసి నంద్యాలలోని ఉదయానంద హోటల్ దగ్గర నుంచి కలెక్టర్ ఆఫీస్ వరకు ర్యాలీగా వెళ్లి కలెక్టర్‌కు వినతిపత్రం అందజేస్తామన్నారు. రైతులను కూటమి ప్రభుత్వం దగా చేసిందన్నారు.
News December 11, 2024
నందికొట్కూరులో బాలికకు నిప్పు ఘటనలో బిగ్ ట్విస్ట్
నందికొట్కూరులో బాలికకు నిప్పు పెట్టిన ఘటనలో బిగ్ ట్విస్ట్ వెలుగుచూసింది. లహరి (17) మృతికి అగ్నిప్రమాదమే కారణమని జిల్లా ఎస్పీ అధిదిరాజ్ సింగ్ రాణా తెలిపారు. లహరి, రాఘవేంద్ర ఇంట్లో ఉన్న సమయంలో దోమల కాయిల్ కారణంగా అగ్నిప్రమాదం జరిగిందన్నారు. గదిలో ఉన్న టర్పెంట్ ఆయిల్, ప్లాస్టిక్ వస్తువులు ప్రమాదానికి కారణమని స్పష్టం చేశారు. కాగా ఈ ఘటనలో బాలిక మృతి చెందగా, యువకుడు తీవ్ర గాయాలతో చికిత్స పొందుతున్నారు.
News December 11, 2024
అపరిచిత వ్యక్తుల ఫోన్ కాల్స్‌కు స్పందించవద్దు: ఎస్పీ
అపరిచిత వ్యక్తుల ఫోన్ కాల్స్‌కు స్పందించవద్దని కర్నూలు ఎస్పీ బిందు మాధవ్ మంగళవారం ప్రకటనలో పేర్కొన్నారు. అపరిచితుల నుంచి వచ్చే ఫోన్ కాల్స్ లిఫ్ట్ చేస్తే వారు మీ కాల్‌ను రికార్డు చేసి పోలీసు కేసులో ఇరికిస్తామని బెదిరిస్తారన్నారు. వేధింపులకు గురిచేసి మీ డబ్బులు దోచేస్తారని, అటువంటి సైబర్ నేరగాళ్ల వలలో పడకూడదని ప్రజలను సూచించారు. సైబర్ నేరాలపై 1930కు ఫిర్యాదు చేయాలన్నారు.