News January 26, 2025
ఆ ఆడియో నాది కాదు: నెల్లూరు జైలు సూపరింటెండెంట్‌
నెల్లూరు జిల్లా సెంట్రల్ జైల్ సూపరింటెండెంట్‌ శ్రీరామరాజారావుపై సోషల్ మీడియాలో ఆడియో వైరల్‌గా మారిన విషయం తెలిసిందే. ఈ నేపథ్యంలో రాజారావు స్పందించారు. ఆ ఆడియోలోని వాయిస్ తనది కాదని వివరణ ఇచ్చారు. సోషల్ మీడియా, ఎలక్ట్రానిక్ ఛానెల్స్‌లో వస్తున్న వార్తలు అవాస్తవమన్నారు. జైల్లో కొంతమంది ఖైదీలు ప్రవర్తన సరిగా లేకపోవడంతో రాజమండ్రికి తరలించామని, వారిలో కొందరు విడుదలై తనపై కక్ష కట్టారన్నారు.
Similar News
News January 30, 2025
వింజమూరు: రోడ్డు మధ్యలో విద్యుత్ స్తంభం
విద్యుత్ స్తంభాలు రోడ్డుకు అడ్డం వస్తే తొలగించి రోడ్డు పక్కన ఏర్పాటు చేస్తారు. అయితే వింజమూరు – ఆత్మకూరు వెళ్లే ప్రధాన రోడ్డు మధ్యలోనే విద్యుత్ స్తంభం ఉంచారు. ఇంత నిర్లక్ష్యంగా వ్యవహరిస్తే ఎలా అని అధికారుల తీరుపై స్థానికులు మండిపడుతున్నారు. రోడ్డు వేసి ఏం ప్రయోజనం అని విమర్శించారు. అధికారులు స్పందించి వెంటనే స్తంభాన్ని తొలగించి, రోడ్డు పక్కకు మార్చాలని స్థానికులు కోరుతున్నారు.
News January 30, 2025
నెల్లూరు జిల్లాలో ఉత్కంఠ
వచ్చేనెల 3వ తేదీన బుచ్చి నగర పంచాయతీలో 2 నగర వైస్ ఛైర్మన్ల ఎంపిక జరగాల్సి ఉంది. ఈలోగా ఆశావాహులు నాయకుల చుట్టూ ప్రదక్షిణలు చేస్తున్నారు. 2021 నవంబర్ 15న 20 వార్డులకు ఎన్నికలు జరిగాయి. 18 YCP, 2 TDP అభ్యర్థులు విజయం సాధించారు. అయితే గత ఎన్నికల్లో కూటమి ప్రభుత్వం అధికారంలోకి రావడంతో ఛైర్ పర్సన్‌తోపాటు 9మంది TDP లో చేరారు. ఇద్దరు వైస్ ఛైర్మన్లు రాజీనామా చేశారు. దీంతో ఈ పదవుల కోసం పోటీ నెలకొంది.
News January 30, 2025
నెల్లూరు: భిక్షాటన పిల్లలపై స్పెషల్ డ్రైవ్
నెల్లూరు కలెక్టర్ ఆనంద్ ఆదేశాల మేరకు జిల్లా బాలల సంరక్షణ విభాగం ఆధ్వర్యంలో భిక్షాటన చేస్తున్న పిల్లలపై నగరంలో స్పెషల్ డ్రైవ్ నిర్వహించారు. నగరంలోని వీఆర్సీ, ఆర్టీసీ, గాంధీ బొమ్మ, ఆత్మకూర్ బస్టాండ్ ప్రాంతాలలో 8 మంది పిల్లలతో భిక్షాటన చేస్తున్న వారిని గుర్తించారు.