News March 19, 2025
ఇంటర్ పరీక్షల సరళిని పరిశీలించిన జనగామ కలెక్టర్
జనగామ పట్టణ కేంద్రంలోని సాంఘిక సంక్షేమ పాఠశాల, జూనియర్ కళాశాలలో జరుగుతున్న ఇంటర్ పరీక్ష సరళిని కలెక్టర్ రిజ్వాన్ భాషా షేక్ బుధవారం పరిశీలించారు. కళాశాలలో ఏర్పాటు చేసిన సీసీ కెమెరాల గురించి, పరీక్షలు రాస్తున్న విద్యార్థులకు సెంటర్లో ఏర్పాటు చేసిన మౌలిక వసతులపై అధికారులను అడిగి తెలుసుకున్నారు. కార్యక్రమంలో డీఐఈఓ జితేందర్ రెడ్డి, కళాశాల ప్రిన్సిపల్ శ్రీనివాస్ రావు తదితరులున్నారు.
Similar News
News November 29, 2025
జగిత్యాల: ‘తెలంగాణ రాష్ట్ర సాధనకు బాటలు వేసిన దీక్షా దివస్’
2009 నవంబర్ 29న మాజీ సీఎం కల్వకుంట్ల చంద్రశేఖర రావు చేపట్టిన ఆమరణ నిరాహార దీక్ష తెలంగాణ చరిత్రలోనే కాదు.. భారత రాజకీయాల్లో ఒక మహత్తర మలుపు అని జిల్లా బీఆర్ఎస్ అధ్యక్షుడు కల్వకుంట్ల విద్యాసాగర్ రావు అన్నారు. జగిత్యాల జిల్లా బీఆర్ఎస్ కార్యాలయంలో శనివారం నిర్వహించిన దీక్షా దివస్‌లో ఆయన మాట్లాడారు. ఆ దీక్ష ప్రజల్లో తెలంగాణ ఆత్మగౌరవ జ్వాలను రగిలించి చివరకు తెలంగాణ రాష్ట్ర సాధనకు బాటలు వేసిందన్నారు.
News November 29, 2025
TTD తీర్మానం లేకుండానే..!
తిరుమల పరకామణీ చోరీకి సంబంధించి టీడీపీ నేత కొమ్మారెడ్డి పట్టాభిరామ్ కీలక వ్యాఖ్యలు చేశారు. ‘రవికుమార్, అతని భార్యకు చెందిన 7ఆస్తులను గిఫ్ట్ డీడీ కింద రాయించారు. గిఫ్ట్ డీడీ గురించి 2023 జూన్ 19న TTD బోర్డు తీర్మానం చేసింది. అప్పటి ఛైర్మన్‌ వైవీ సుబ్బారెడ్డి. మే 12న 5ఆస్తులు, మే 18న చెన్నైలోని ఆస్తులను రిజిస్ట్రేషన్ చేశారు. ఆస్తులు తీసుకున్నాకే తీర్మానం చేయడం కుట్ర కాదా?’ అని పట్టాభి ప్రశ్నించారు.
News November 29, 2025
జగిత్యాల జిల్లా బీఆర్ఎస్ కార్యాలయంలో దీక్ష దివాస్
జగిత్యాల జిల్లా కేంద్రంలోని బీఆర్ఎస్ పార్టీ కార్యాలయంలో శనివారం దీక్ష దివాస్ నిర్వహించారు. ఈ సందర్భంగా తెలంగాణ తల్లి విగ్రహానికి పూలమాల వేసి నివాళులర్పించి, కేసీఆర్ చిత్రపటానికి క్షీరాభిషేకం చేసారు. ఈ కార్యక్రమంలో జిల్లా బీఆర్ఎస్ పార్టీ అధ్యక్షులు, మాజీ ఎమ్మెల్యే కల్వకుంట్ల విద్యాసాగర్ రావు, ఎమ్మెల్యే కల్వకుంట్ల సంజయ్, మాజీ జడ్పీ ఛైర్‌పర్సన్ దావ వసంత, రాజేశం గౌడ్, శ్రీకాంత్ రెడ్డి తదితరులున్నారు.