News February 25, 2026
ఇంటర్ పరీక్ష కేంద్రాన్ని తనిఖీ చేసిన వనపర్తి కలెక్టర్
జిల్లాలో ఇంటర్మీడియట్ వార్షిక పరీక్షల నిర్వహణ తీరును కలెక్టర్ ఆదర్శ్ సురభి బుధవారం స్వయంగా పర్యవేక్షించారు. పట్టణంలోని ప్రభుత్వ బాలికల జూనియర్ కళాశాల పరీక్షా కేంద్రాన్ని ఆయన ఆకస్మికంగా తనిఖీ చేశారు. పరీక్ష గదుల్లో వెలుతురు, విద్యార్థులకు తాగునీటి సౌకర్యం, సీసీ కెమెరాల నిఘాను క్షుణ్ణంగా పరిశీలించారు. ఎక్కడా మాల్ప్రాక్టీస్కు తావులేకుండా పారదర్శకంగా పరీక్షలు నిర్వహించాలని అధికారులను ఆదేశించారు.
Similar News
News April 19, 2026
హనుమకొండ డీవైఎస్ఓగా ప్రశాంత్
హనుమకొండ జిల్లా ఇన్ఛార్జ్ యువజన, క్రీడల శాఖ అధికారిగా ప్రశాంత్ను నియమిస్తూ స్పోర్ట్స్ అథారిటీ ఆఫ్ తెలంగాణ వీసీ అండ్ ఎండీ సోనీబాలాదేవి ఉత్తర్వులు జారీ చేశారు. గతంలో డీవైఎస్ఓగా ఇక్కడ పని చేసిన గుగులోత్ అశోక్ కుమార్ డీడీగా పదోన్నతి పొంది హైదరాబాద్ వెళ్లారు. ప్రశాంత్ గతంలో కరీంనగర్, హనుమకొండ డీఎస్ఏలో బాస్కెట్ బాల్ కోచ్గా పని చేశారు.
News April 19, 2026
తిరుపతి: ‘నేను ప్రేమించా.. ఆమె మోసం చేసింది’
ప్రేమించిన అమ్మాయికి మరో వ్యక్తితో పెళ్లి కావడంతో ఓ యువకుడు సూసైడ్ చేసుకున్నాడు. తిరుపతి వెస్ట్ పోలీసుల వివరాల మేరకు.. గంగవరం(M) వేమనపల్లెకు చెందిన మహేంద్ర(20) బీకాం చదువుతూ వెంకటరమణ లే అవుట్లో ఉంటున్నాడు. మహేంద్ర ఓ యువతిని ప్రేమించగా ఆమెకు వారం క్రితం పెళ్లయింది. దీంతో ‘నేను సూసైడ్ చేసుకుంటున్నా. నేను అమ్మాయిని ప్రేమించాను. కానీ ఆమె మోసం చేసింది’ అని వాట్సాప్ మెసేజ్ పంపి సూసైడ్ చేసుకున్నాడు.
News April 19, 2026
పోలీసు వాహనాల విడిభాగాలకు బహిరంగ వేలం: ఎస్పీ
అంబేడ్కర్ కోనసీమ జిల్లా పోలీస్ శాఖ మోటారు ట్రాన్స్పోర్టు (ఎంటీ) కార్యాలయం వద్ద ఈ నెల 21న పాత విడిభాగాలకు బహిరంగ వేలం నిర్వహించనున్నట్లు ఎస్పీ రాహుల్ మీనా తెలిపారు. వాహనాల మరమ్మతుల అనంతరం తొలగించిన విడిభాగాలకు ఆ రోజు ఉదయం 10 గంటలకు వేలం పాట ఉంటుందన్నారు. ఆసక్తి గల బిడ్డర్లు నిర్ణీత సమయానికి ఎంటీ కార్యాలయానికి చేరుకుని వేలంలో పాల్గొనాలని ఎస్పీ సూచించారు.