News June 28, 2024
ఇంట్లోకి బాణసంచా విసిరారని ZPTC ఫిర్యాదు
తమ ఇంటిపై బాణసంచాతో దాడి చేసి భయభ్రాంతులకు గురి చేశారంటూ ప్రత్తిపాడు జడ్పీటీసీ సభ్యురాలు బెహరా రాజేశ్వరి, ఆమె అత్త బెహరా అన్నపూర్ణ వేరువేరుగా ఫిర్యాదు చేశారు. ఎమ్మెల్యే విజయోత్సవ ర్యాలీ సందర్భంగా బుధవారం రాత్రి ఈ ఘటనకు పాల్పడ్డారని ఫిర్యాదులో పేర్కొన్నారు. ఇంట్లోకి గాజు సీసాలు, కోడిగుడ్లు, బాణసంచా విసిరారని చేసిన ఫిర్యాదుపై కేసు నమోదు చేశామని ఎస్సై పవన్ కుమార్ గురువారం తెలిపారు.
Similar News
News November 30, 2025
రాజమండ్రిలో రేపు అర్జీలు స్వీకరిస్తాం: కలెక్టర్
తూర్పు గోదావరి జిల్లా కలెక్టర్ కార్యాలయంలో సోమవారం యథాతథంగా PGRS నిర్వహించనున్నట్లు కలెక్టర్ కీర్తి చేకూరి ఆదివారం తెలిపారు. ఈ వేదిక ద్వారా ప్రజల నుంచి అర్జీలు స్వీకరిస్తామన్నారు. వాటి పరిష్కారానికి తక్షణ చర్యలు తీసుకుంటామన్నారు. అర్జీదారులు తమ వినతి పత్రాలను ముందుగానే ఆన్‌లైన్‌లో Meekosam.ap.gov.in ద్వారా నమోదు చేసుకోవచ్చని చెప్పారు. ప్రజలు ఈ అవకాశాన్ని సద్వినియోగం చేసుకోవాలన్నారు.
News November 30, 2025
దోసకాయలపల్లిలో దారుణ హత్య
కోరుకొండ మండలం దోసకాయలపల్లిలో ఆదివారం దారుణం చోటుచేసుకుంది. గ్రామానికి చెందిన పిల్లి ఆనంద్‌ (30)ను కత్తితో నరికి దారుణంగా హత్య చేశారు. వరుసకు బంధువు అయిన ములకల్లంకకు చెందిన వ్యక్తే ఈ ఘాతుకానికి పాల్పడి పరారైనట్లు పోలీసులు ప్రాథమికంగా అనుమానిస్తున్నారు. మృతుడికి భార్య, ఇద్దరు కుమారులున్నారు. పోలీసులు ఘటనా స్థలానికి చేరుకుని దర్యాప్తు చేపట్టారు.
News November 30, 2025
రాజమండ్రి: నేటి మాంసం ధరలు ఇలా!
వారాంతం కావడంతో మాంసాహార దుకాణాలు వినియోగదారులతో కళకళలాడుతున్నాయి. రాజమండ్రి మార్కెట్లో కిలో స్కిన్‌లెస్ చికెన్ ధర రూ. 250, స్కిన్‌తో రూ. 230గా ఉంది. లైవ్ కోడి ధర రూ.140 నుంచి రూ.150 వరకు లభిస్తోంది. ఇక, కేజీ మటన్ ధర రూ. 900కు విక్రయిస్తున్నారు. ప్రాంతాలవారీగా ధరలలో స్వల్ప తేడాలున్నాయి. మీ ప్రాంతంలో ధరలు ఎలా ఉన్నాయో కామెంట్ చేయండి.