News February 22, 2025

ఇందిరమ్మ ఇళ్లపై ఖమ్మం కలెక్టర్ సూచనలు

ఖమ్మం జిల్లాలోని లబ్ధిదారులకు ఇందిరమ్మ ఇళ్ల నిర్మాణంలో ప్రతి దశలో తోడ్పాటు అందించాలని జిల్లా కలెక్టర్ ముజమ్మిల్ ఖాన్ తెలిపారు. శుక్రవారం జరిగిన శిక్షణా సమావేశంలో కలెక్టర్ మాట్లాడుతూ.. అనర్హులకు ఇళ్లు మంజూరు చేయకూడదని, గ్రామ సభల ద్వారా అర్హులను ఖరారు చేయాలని సూచించారు. ప్రతి మండలంలో ఇసుక డంప్ ఏర్పాటు చేసి, తక్కువ ధరకు సిమెంట్ అందించేలా చర్యలు తీసుకోవాలని అధికారులకు పలు సూచనలు చేశారు.