News March 19, 2025
ఈనెల 26 నుంచి అన్నమయ్య వర్ధంతి ఉత్సవాలు
రాజంపేట మండలం తాళ్లపాక అన్నమయ్య ధ్యాన మందిరం, 108 అడుగుల అన్నమయ్య విగ్రహం వద్ద ఈ నెల 26 నుంచి 29వ తేదీ వరకు శ్రీమాన్ తాళ్లపాక అన్నమాచార్యులు 522 వర్ధంతి కార్యక్రమాలు నిర్వహిస్తున్నట్లు ప్రోగ్రామ్ అధికారిని హేమలత తెలిపారు. తిరుమల తిరుపతి దేవస్థానముల ఆధ్వర్యంలో నగర సంకీర్తన, సప్తగిరిల సంకీర్తన, గోష్టి గానం, అన్నమాచార్య సంకీర్తనలు, హరికథ, శ్రీరామ పాదుకలు నాటకం ఉంటుందని తెలిపారు.
Similar News
News December 21, 2025
ADB: PG విద్యార్థులకు ఆదివారం తరగతులు
డా.బీఆర్ అంబేడ్కర్ యూనివర్సిటీ పరిధిలో పీజీ మొదటి రెండవ సంవత్సరం విద్యార్థులకు కాంటాక్ట్ కం కౌన్సెలింగ్ తరగతులను నిర్వహిస్తున్నట్లు ఆదిలాబాద్ ప్రభుత్వ సైన్స్ డిగ్రీ కళాశాల ప్రిన్సిపల్, వర్సిటీ ఉమ్మడి జిల్లా కోఆర్డినేటర్ జగ్రామ్ పేర్కొన్నారు. జిల్లా కేంద్రంలో ఉన్న వర్సిటీ అధ్యయన కేంద్రంలో ఈ నెల 21న ఈ తరగతులు ఉంటాయని పేర్కొన్నారు. ఉమ్మడి జిల్లా విద్యార్థులు తరగతులకు హాజరుకావాలని సూచించారు.
News December 21, 2025
ఖమ్మం: ‘సిరి గోల్డ్ వ్యాపారంతో నాకు సంబంధం లేదు’
సిరి గోల్డ్ సంస్థ వ్యవహారంలో తనపై వస్తున్న ఆరోపణలను బీజేపీ జిల్లా అధ్యక్షుడు నెల్లూరి కోటేశ్వరరావు ఖండించారు. రాజకీయంగా ఎదుర్కోలేకనే ప్రత్యర్థులు కుట్రపూరితంగా అసత్య ప్రచారాలు చేస్తున్నారని మండిపడ్డారు. ఆ సంస్థలో తనకు ఎటువంటి పెట్టుబడులు లేవని, నగదు వసూలు చేసినట్లు వస్తున్న వార్తల్లో నిజం లేదని స్పష్టం చేశారు. వాస్తవాలు తెలుసుకోకుండా బురదజల్లుతున్న వారిపై పరువు నష్టం దావా వేస్తానని హెచ్చరించారు.
News December 21, 2025
అనంతపురంలో గన్ కలకలం
అనంతపురంలో జిమ్ ఓనర్ రాజశేఖర్ రెడ్డి వద్ద గన్ లభించండం కలకలం రేపింది. ఈనెల 11న తనను హింసిస్తూ గన్తో బెదిరించినట్లు ఆయన భార్య మహిళా పోలీస్ స్టేషన్లో ఫిర్యాదు చేసింది. దీంతో పోలీసులు గన్ స్వాధీనం చేసుకొని విచారించారు. మధ్యప్రదేశ్లోని గ్వాలియర్లో గన్ కొన్నట్లు తేలడంతో ప్రత్యేక బృందాలు అక్కడికి వెళ్లి ఆయుధాల తయారీదారులు ఇద్దరిని అదుపులోకి తీసుకున్నారు. వారిని అనంతపురం తీసుకొస్తున్నట్లు సమాచారం.