News January 28, 2025
ఈనెల 31న ధర్మశ్రీ ప్రమాణ స్వీకారం

అనకాపల్లి పార్లమెంటరీ నియోజకవర్గ వైసీపీ పరిశీలకుడిగా నియమితులైన మాజీ ఎమ్మెల్యే కరణం ధర్మశ్రీ ఈనెల 31న ప్రమాణస్వీకారం చేయనున్నట్లు స్థానిక పట్టణ అధ్యక్షులు ఎం.జానకిరామ్ సోమవారం తెలిపారు. కసింకోట మండలం తేగాడలో ప్రమాణ స్వీకారానికి ఏర్పాట్లు చేస్తున్నట్లు వెల్లడించారు. అనకాపల్లి నియోజకవర్గ పార్టీ ఇన్ఛార్జ్ మనసాల భరత్ కుమార్ ఆధ్వర్యంలో ఈ కార్యక్రమం జరుగుతుందన్నారు.
Similar News
News November 30, 2025
NZB: ఎన్నికల కోడ్ ఎఫెక్ట్.. ప్రజావాణి రద్దు

ప్రతి సోమవారం కలెక్టరేట్లో నిర్వహించే ప్రజావాణి కార్యక్రమాన్ని రద్దు చేసినట్లు NZB జిల్లా ఎన్నికల అధికారి, కలెక్టర్ వినయ్ కృష్ణారెడ్డి తెలిపారు. ఎన్నికల ప్రవర్తనా నియమావళి అమలులో ఉన్న నేపథ్యంలో ప్రజావాణిని రద్దు చేశామన్నారు. GP ఎన్నికల ప్రక్రియ ముగిసిన అనంతరం తిరిగి యథావిధిగా ప్రజావాణి కొనసాగుతుందన్నారు. ప్రజలు ఈ విషయాన్ని గమనించి జిల్లా యంత్రాంగానికి సహకరించాలని కలెక్టర్ కోరారు.
News November 30, 2025
20% పెరిగిన ‘ఇసుక’ ఆదాయం

TG: ఇసుక అమ్మకాలతో ప్రభుత్వానికి వచ్చే ఆదాయం గత ఏడాదితో పోలిస్తే 20% పెరిగింది. 2023-24లో ₹654.58Cr, 2024-25లో ₹738.74Cr ఆదాయం వచ్చినట్లు అధికారులు వెల్లడించారు. ప్రస్తుత ఆర్థిక సంవత్సరంలో ఇప్పటివరకు 138.07L మెట్రిక్ టన్నుల ఇసుక విక్రయించగా ₹600Cr వచ్చినట్లు పేర్కొన్నారు. మరో 4నెలల్లో ఈ మొత్తం ₹1000Crకు చేరుతుందని అంచనా. డిమాండ్కు తగ్గ సరఫరా, అక్రమాలకు అడ్డుకట్టతో ఆదాయం పెరిగినట్లు చెబుతున్నారు.
News November 30, 2025
చెరుకుపల్లి: అనుమానాస్పద స్థితిలో యువకుడి మృతి

చెరుకుపల్లి మండలం ఆరుంబాక గ్రామం వద్ద రహదారి పక్కన అనుమానాస్పద స్థితిలో యువకుడి మృతదేహాన్ని స్థానికులు గుర్తించారు. మృతుడు పురుగుమందు తాగి మృతి చెందినట్లు స్థానికులు అనుమానిస్తున్నారు. మృతుడు చెరుకుపల్లిలోని బ్యాంక్ ఆఫ్ ఇండియా బజార్లో ఉన్న సాయి ఫ్యాన్సీ షాప్ నిర్వాహకుడి కుమారుడు బచ్చు సాయి (32)గా గుర్తించారు. సంఘటన స్థలానికి చేరుకున్న చెరుకుపల్లి పోలీసులు కేసు నమోదు చేసి దర్యాప్తు చేస్తున్నారు.


