News July 31, 2024

ఉదయం 6 గంటలకే ఇంటింటికీ పింఛన్ పంపిణీ: సీఎస్

image

విజయవాడ సీఎస్ కార్యాలయం నుంచి ఎన్టీఆర్ భరోసా పెన్షన్ల పంపిణీపై అన్ని జిల్లాల కలెక్టర్లతో వీడియో కాన్ఫరెన్స్ ద్వారా మంగళవారం రాష్ట్ర ప్రభుత్వ ప్రధాన కార్యదర్శి నీరభ్ కుమార్ ప్రసాద్ సమీక్షించారు. ఉదయం 6 గంటలకే ఇంటింటికీ పింఛన్ పంపిణీ కార్యక్రమం చేపట్టాలని కలెక్టర్లను సీఎస్ ఆదేశించారు. కర్నూలు కలెక్టరేట్ నుంచి వీడియో కాన్ఫరెన్స్‌లో కర్నూలు కలెక్టర్ రంజిత్ బాషా, ఇతర అధికారులు పాల్గొన్నారు.

Similar News

News November 30, 2025

7న మాక్ ఎంఎంఎస్ పరీక్ష: డిప్యూటీ డీఈవో

image

డిసెంబర్ 7న సీఆర్ఆర్ మున్సిపల్ హై స్కూల్ హెడ్మాస్టర్ వెంకట్ రెడ్డి ఆధ్వర్యంలో మాక్ ఎంఎంఎస్ పరీక్షను నిర్వహిస్తున్నట్లు కర్నూల్ ఉప విద్యాశాఖ అధికారి శ్రీధర్ బాబు తెలిపారు. ఆదివారం కర్నూలులోని పాఠశాల ఆవరణలో MOCK NMMS ప్రశ్న పత్రాలను కర్నూలు అర్బన్ ఎంఈఓ అబ్దుల్ రెహమాన్‌తో కలిసి విడుదల చేశారు. విద్యార్థులు పరీక్షను రాసి తమ నైపుణ్యాలను మెరుగుపరుచుకోవాలని ఆయన సూచించారు.

News November 30, 2025

తెలుసుకుందాం!

image

★ కర్నూలు అసలు పేరు ‘కందనవోలు’
★ కర్నూలులో ప్రవహించే నది: తుంగభద్ర
★ తుంగ నది జన్మస్థలం: కర్ణాటక రాష్ట్రం చిక్కమగళూరు జిల్లాలోని వరాహ పర్వతం
★ కేసీ కెనాల్ ఫుల్ ఫారం: కర్నూలు కడప కాలువ
★ కర్నూలు చివరి నవాబు: గులాం రసూల్ ఖాన్ బహదూర్
★ కర్నూలు జిల్లా విస్తీర్ణం: 17,658 చదరపు కిలోమీటర్లు
★ జిల్లాలో ప్రధాన వంటకాలు: ఉలవచారు, ఉగ్గాని బజ్జీ, రాయలసీమ కారం దోసె, రాగిముద్ద, నాటుకోడి చికెన్

News November 30, 2025

20 ప్రముఖ కంపెనీల్లో ఉద్యోగాలు: మంత్రి భరత్

image

కర్నూల్ కేవీఆర్ ప్రభుత్వ డిగ్రీ కళాశాలలో వచ్చే నెల 8న జాబ్ మేళా నిర్వహించనున్నట్లు మంత్రి టీజీ భరత్ తెలిపారు. పదో తరగతి నుంచి డిగ్రీ వరకు చదివిన నిరుద్యోగులు (18-35 ఏళ్లు) జాబ్ మేళాలో పాల్గొనవచ్చన్నారు. 20 కంటే ఎక్కువ ప్రముఖ కంపెనీల ప్రతినిధులు హాజరవుతారని స్కిల్ అభివృద్ధి అధికారి ఆనంద్ రాజ్ కుమార్ తెలిపారు. అనంతరం జాబ్ మేళాకు సంబంధించిన కరపత్రాలను శనివారం విడుదల చేశారు.