News August 1, 2024
ఉమ్మడి నిజామాబాద్ జిల్లాలో 10 మంది సబ్ రిజిస్ట్రార్ల నియామకం
రాష్ట్రవ్యాప్తంగా సబ్ రిజిస్ట్రార్లను బదిలీ చేస్తూ ప్రభుత్వం ఉత్తర్వులు జారీ చేయగా ఉమ్మడి నిజామాబాద్ జిల్లాలోని మొత్తం పది సబ్ రిజిస్ట్రార్ కార్యాలయాలకు రెగ్యులర్ సబ్ రిజిస్ట్రార్లను నియమించారు. కాగా నిజామాబాద్ అర్బన్‌లో ఇద్దరు, ఆర్మూర్, భీంగల్, కామారెడ్డి, బోధన్‌లో పనిచేస్తున్న సబ్ రిజిస్ట్రార్లు బదిలీ అయ్యారు.
Similar News
News October 8, 2024
HYDలో రేపు MLA KVR ప్రెస్ మీట్
HYD సోమాజిగూడలోని ప్రెస్ క్లబ్‌లో రేపు మ.12 గంటలకు కామారెడ్డి BJP MLA వెంకట రమణారెడ్డి ప్రెస్ మీట్ నిర్వహించనున్నట్లు ఓ ప్రకటన విడుదల చేశారు. కాంగ్రెస్ ప్రభుత్వం తీసుకున్న ‘హైడ్రా’ పనితీరు గురించి ఆయన మీడియా సమావేశంలో మాట్లాడనున్నట్లు తెలియజేశారు. కాగా ఇప్పటికే హైడ్రా పనితీరును కిషన్ రెడ్డి, బండి సంజయ్, ఈటల రాజేందర్ వ్యతిరేకించిన విషయం తెలిసిందే. మరి KVR ఏం చెబుతారో ఉత్కంఠ నెలకొంది.
News October 8, 2024
లింగంపేటలో ట్రాక్టర్ బోల్తా పడి బాలుడు మృతి
లింగంపేట మండలంలోని బోనాలు తండాలో విషాదం చోటు చేసుకుంది. తండాకు చెందిన రిషికేష్ (6) మంగళవారం ఇంటి సమీపంలో ఉన్న ఆగి ఉన్న ట్రాక్టర్ పై ఎక్కి ఆడుకుంటూ గేర్లను డౌన్ చేశాడు. దీంతో ట్రాక్టర్ గుంతలో బోల్తా పడి బాలుడు మృతి చెందినట్లు స్థానికులు తెలిపారు. దీంతో గ్రామంలో విషాదం నెలకొంది.
News October 8, 2024
చందూర్ పెద్ద చెరువులో పడి వ్యక్తి మృతి
నిజామాబాద్ జిల్లా చందూర్ మండలంలో చెరువులో పడి వ్యక్తి మృతి చెందాడు. గ్రామానికి చెందిన శ్రీనివాస్ మృతి చెందినట్లుగా గ్రామస్థులు తెలిపారు. కాగా ప్రమాదవశాత్తు మృతి చెందాడా.. లేక ఆత్మహత్య చేసుకున్నాడా తెలియాల్సి ఉంది. మృతదేహాన్ని స్థానికులు బయటకు తీశారు. సమాచారం అందుకున్న పోలీసులు ఘటనా స్థలానికి చేరుకున్నారు.