News August 29, 2024
ఎంబీఏ పరీక్షా జవాబు పత్రాల నకలు పొందేందుకు దరఖాస్తుల ఆహ్వానం
ఉస్మానియా యూనివర్సిటీ పరిధిలోని ఎంబీఏ పరీక్షల జవాబు పత్రాల నకలు పొందేందుకు దరఖాస్తులను ఆహ్వానిస్తున్నట్లు అధికారులు తెలిపారు. ఎంబీఏ నాలుగో సెమిస్టర్ రెగ్యులర్, అన్ని సెమిస్టర్ల బ్యాక్లాగ్ పరీక్షా ఫలితాలను ఇప్పటికే విడుదల చేశామన్నారు. జవాబు పత్రాల నకలు పొందేందుకు ఒక్కో పేపర్కు రూ.1,000 చొప్పున చెల్లించి వచ్చేనెల 17లోగా దరఖాస్తు చేసుకోవాలన్నారు.
Similar News
News September 16, 2024
HYD: బాలాపూర్ లడ్డూ వేలం పాటకు కొత్త రూల్
బాలాపూర్ గణపతి ఉత్సవంలో లడ్డూ వేలం వెరీ స్పెషల్. 1994లో రూ.450తో మొదలై 2023లో రూ.27 లక్షలకు పలికింది. అయితే, ఈసారి లడ్డూ వేలంపాటలో పాల్గొనే పోటీదారులు ముందస్తుగా గత సంవత్సరం పలికిన డబ్బును డిపాజిట్ చేయాల్సి ఉందని నిర్వాహకులు తెలిపారు. బాలాపూర్ గ్రామ ప్రజలతో పాటు, ఎవరైనా ఈ వేలంలో పాల్గొనే అవకాశం కల్పిస్తున్నట్లు పేర్కొన్నారు. బాలాపూర్ లడ్డూ వేలంపాట రేపు ఉదయం 9:30కు ప్రారంభం కానుంది.
News September 16, 2024
HYD: కెనడాలో మీర్పేట్ యువకుడి మృతి
కెనడాలో మీర్పేట్ యువకుడు మృతిచెందాడు. మహేశ్వరం నియోజకవర్గం మీర్ పేట్ ఓల్డ్ బాలాజీ నగర్కు చెందిన ప్రణీత్ కెనడాలో నివసిస్తున్నాడు. ప్రణీత్ పుట్టినరోజు కావడంతో అన్న ప్రణయ్, స్నేహితులతో కలిసి బోట్లో చెరువులోకి వెళ్లారు. చెరువులో బోటింగ్ చేసి తిరిగి వస్తుండగా.. ప్రణీత్ బోట్లో రాకుండా ఈదుకుంటూ వచ్చాడు. దీంతో మార్గమధ్యలో నీటమునిగి మృతిచెందాడు. ప్రణీత్ మృతితో కుటుంబంలో విషాద ఛాయలు అలుముకున్నాయి.
News September 16, 2024
HYD: ఖైరతాబాద్ గణేష్ మండపం తొలగింపు షురూ!
HYD నగరంలో ఖైరతాబాద్ వినాయకుడు వద్ద నిమజ్జన ఏర్పాట్లను మంత్రి పొన్నం ప్రభాకర్ పరిశీలించారు. ఇప్పటికే భక్తులకు దర్శనాలు నిలిపివేసి,మండప తొలగింపు పనులు చేపట్టారు.సమయానికి పనులు అయ్యేలా చూడాలని నిర్వాహకులకు మంత్రి సూచించారు.ఖైరతాబాద్ సప్తముఖ గణనాథుడు ఈ రోజు సాయంత్రం టస్కర్ మీదకు వెల్డింగ్ పనులు చేయనుండడంతో సమయానికి పూర్తి చేసేలా చూడాలని అధికారులకు ఆదేశాలు జారీ చేశారు.