News January 29, 2025

ఎడపల్లి: బ్యాంకు ఉద్యోగి వెంటబడిన పులి

image

ఎడపల్లి మండలంలోని ఠాణాకలాన్ ఎస్బీఐ బ్రాంచ్ లో క్యాషియర్‌గా విధులు నిర్వహిస్తున్న మాసూద్ మంగళవారం రోజువారీగా విధులకు వచ్చాడు. అయితే పెండింగ్ పనులు ఉండటంతో ఇంటికి వెళ్లేందుకు ఆలస్యమైంది. పనులు పూర్తి చేసుకొని 7 గంటల ప్రాంతంలో ఠాణాకలాన్ నుంచి బైక్‌పై వెళుతుండగా మార్గమధ్యలో సబ్స్టేషన్ ప్రాంతంలో ఓ పులి వెంటబడింది. బైక్ స్పీడ్ పెంచడంతో పులి భారీ నుంచి తప్పించుకున్నట్లు ఆయన తెలిపాడు.

Similar News

News November 29, 2025

పాఠశాలల వద్ద తస్మాత్ జాగ్రత్త.. ప్రకాశం పోలీస్.!

image

పాఠశాలల పరిసరాల్లో రాకపోకలు సాగించే వాహనదారులు మితిమీరిన వేగంతో వెళ్లరాదని ప్రకాశం పోలీసులు సూచించారు. ఈ మేరకు ప్రకాశం పోలీస్ సామాజిక మాధ్యమాల ద్వారా శనివారం పలు సూచనలు జారీ చేశారు. వాహనాల వేగంకన్నా, పిల్లల ప్రాణాలు ముఖ్యమన్న విషయాన్ని వాహనదారులు గుర్తించాలని సూచించారు. పాఠశాలల వద్ద చిన్నారులు అకస్మాత్తుగా రహదారులపైకి వచ్చే అవకాశం ఉంటుందని, వాహనదారులు ఈ విషయాన్ని కూడా గుర్తించాలని వారు కోరారు.

News November 29, 2025

సంగారెడ్డిలో ప్రజావాణి రద్దు

image

గ్రామ పంచాయతీ ఎన్నికల ప్రక్రియ కొనసాగుతున్న నేపథ్యంలో డిసెంబర్ 1న నిర్వహించాల్సిన ప్రజావాణి కార్యక్రమాన్ని రద్దు చేస్తున్నట్లు సంగారెడ్డి కలెక్టర్ ప్రావీణ్య శనివారం పేర్కొన్నారు. ఎన్నికలు ముగిసే వరకు ప్రజావాణి కార్యక్రమం ఉండబోదని స్పష్టం చేశారు. స్థానిక సంస్థల ఎన్నికలు పూర్తయిన వెంటనే ప్రజావాణి యథావిధిగా కొనసాగుతుందని, ఈ మార్పును ప్రజలు గమనించాలని, అధికారులకు సహకరించాలని కలెక్టర్ కోరారు.

News November 29, 2025

పార్వతీపురంలో మెగా జాబ్ మేళా

image

పార్వతీపురంలోని గాయత్రి డిగ్రీ కళాశాలలో డిసెంబర్ 3న మెగా జాబ్ మేళా నిర్వహిస్తామని జిల్లా నైపుణ్య అభివృద్ధి అధికారి సాయికృష్ణ చైతన్య తెలిపారు. ఈ మేరకు శనివారం ఆయన ఓ ప్రకటన విడుదల చేశారు. 10th,ఇంటర్, ఐటీఐ,డిప్లొమా, ఏదైనా డిగ్రీ చదువుకొని 18 నుంచి 30 సంవత్సరాలు వయస్సు గల నిరుద్యోగ యువతి, యువకులు అర్హులని వెల్లడించారు. ఈ జాబ్ మేళాలో 23 కంపెనీలకు చెందిన ప్రతినిధులు హాజరై ఇంటర్వ్యూలు నిర్వహిస్తారన్నారు.