News August 9, 2024
ఎమ్మెల్సీ ఎంపిక విషయమై చంద్రబాబుతో విశాఖ నేతల చర్చ
చంద్రబాబు నివాసానికి విశాఖ టీడీపీ నేతలు శుక్రవారం చేరుకున్నారు. స్థానిక సంస్థల ఎమ్మెల్సీ ఎన్నికల్లో అభ్యర్థి ఖరారుపై వారు చంద్రబాబుతో చర్చిస్తున్నారు. వైసీపీ ఇప్పటికే ఎమ్మెల్సీ అభ్యర్థిని ప్రకటించిన నేపథ్యంలో తమ అభ్యర్థి ఎంపికపై చర్చ జరుగుతున్నట్లు తెలిసింది. ఏక అభిప్రాయం కుదిరితే ఇవాళ అభ్యర్థిని ప్రకటించే అవకాశం ఉంది. ఎమ్మెల్సీ ఎన్నికల్లో గెలుపునకు వ్యూహాలపై కూడా చర్చ జరుగుతున్నట్టు సమాచారం.
Similar News
News September 14, 2024
గుంటూరులో ఇంటర్ విద్యార్థిని మృతి
గుంటూరులోని ఓ ప్రైవేట్ కాలేజీలో శనివారం దారుణం జరిగింది. పల్నాడు జిల్లాకు చెందిన ఇంటర్ విద్యార్థిని ఉరివేసుకొని ఆత్మహత్య చేసుకున్నట్లు కాలేజీ యాజమాన్యం తెలిపారు. తమ కుమార్తె ఆత్మహత్య చేసుకోలేదని మృతిపై అనుమానాలు ఉన్నాయని కుటుంబ సభ్యులు ఆరోపిస్తున్నారు. మృతదేహాన్ని గుంటూరు ప్రభుత్వ ఆసుపత్రిలోని మార్చురీకి తరలించారు. కేసు నమోదు చేసుకొని దర్యాప్తు చేపట్టారు. మృతికి గల కారణాలు తెలియాల్సి ఉంది.
News September 14, 2024
గుంటూరు: బీఈడీ పరీక్షల షెడ్యూల్ విడుదల
ఆచార్య నాగార్జున యూనివర్సిటీ పరిధిలోని కళాశాలల్లో బీఈడీ 2వ సెమిస్టర్(రెగ్యులర్ & సప్లిమెంటరీ) విద్యార్థులు రాయాల్సిన థియరీ పరీక్షలను అక్టోబర్ 21 నుంచి నిర్వహిస్తామని వర్సిటీ వర్గాలు తెలిపాయి. ఈ పరీక్షకు హాజరయ్యే విద్యార్థులు సెప్టెంబర్ 25 లోపు అపరాధ రుసుము లేకుండా ఫీజు చెల్లించాలని, పూర్తి వివరాలకు https://www.nagarjunauniversity.ac.in/ అధికారిక వెబ్సైట్ చెక్ చేసుకోవాలని పరీక్షల విభాగం తెలిపింది.
News September 14, 2024
17న నులి పురుగుల నివారణ మాత్రల పంపిణీ: DMHO
జాతీయ నులి పురుగుల నివారణ దినం సందర్భంగా ఈ నెల 17న పిల్లలకు ఆల్బెండజోల్ మాత్రలు మింగించే కార్యక్రమం జరుగుతుందని జిల్లా వైద్యశాఖ అధికారి విజయలక్ష్మి వెల్లడించారు. మధ్యాహ్నం బోజనం అనంతరం 1-2 సంవత్సరాల వయసు వారికి ఆల్బెండ జోల్ అరమాత్ర, 2-19 సంవత్సరాల వారికి పూర్తి మాత్ర ఇవ్వాలని సంబంధిత అధికారులకు సూచించారు.