News August 4, 2024
ఎర్రగుంట్ల: కొడుకు చేసిన అప్పులకు తండ్రి ఆత్మహత్య
ప్రొద్దుటూరు లోని నాగేంద్ర నగర్ కు చెందిన వెంకటరామిరెడ్డి అదే పట్టణంలోని ఓ కళాశాలలో అధ్యాపకుడిగా పనిచేస్తున్నాడు. ఈయన కుమారుడు చేసిన అప్పులకు సంబంధించి కమలాపురం ప్రాంతానికి చెందిన ఒక కుటుంబంతో ఇటీవల వివాదం తలెత్తింది. ఈ క్రమంలో వారు అధ్యాపకుడి ఇంటి పైకి వచ్చి దాడికి పాల్పడ్డారు. ఈ నేపథ్యంలో వెంకట్రామిరెడ్డి శనివారం ఎర్రగుంట్ల రైల్వే స్టేషన్ కు వచ్చి రైలు కిందపడి ఆత్మహత్య చేసుకున్నాడు.
Similar News
News September 15, 2024
4వ స్థానం పొందిన కడప జిల్లా బాల్ బ్యాడ్మింటన్ జట్టు
9వ అంతర్ జిల్లాల సబ్ జూనియర్స్ రాష్ట్రస్థాయి బాల్ బ్యాడ్మింటన్ పోటీల్లో కడప జిల్లా బాలుర జట్టు నాల్గవ స్థానం సాధించింది. తూర్పు గోదావరి జిల్లా అన్నవరంలో ఈనెల 13వ తేది నుంచి 15వ తేది వరకు ఈ పోటీలు సాధించింది. ఇందులో ప్రతిభ కనబరిచిన బాలుర జట్టును వైఎస్ఆర్ జిల్లా బాల్ బ్యాడ్మింటన్ అసోసియేషన్ కార్యదర్శి వెంకట రమణ, కోచ్ సురేంద్ర అభినందించారు.
News September 15, 2024
కడప: మీపై కేసులు ఉన్నాయా.. ఇలా చేయండి.!
చిన్న కారణాలతో కేసుల వరకు వెళ్లిన వారిని పిలిపించి సెటిల్మెంట్ చేసి పరిష్కరించే కార్యక్రమమే లోక్ అదాలత్. కడప జిల్లా వ్యాప్తంగా 3200 కేసులు శనివారం పరిష్కారం అయ్యాయని, కక్షిదారులకు రూ.6,24,18,818 చెల్లింపు జరిగిందని కడప జిల్లా న్యాయ సేవాధికార సంస్థ అధ్యక్షులు ప్రధాన న్యాయమూర్తి జి శ్రీదేవి అన్నారు. ఈ అవకాశాన్ని సద్వినియోగం చేసుకోవాలన్నారు.
News September 15, 2024
పర్యాటక దినోత్సవ వేడుకలు జయప్రదం చేయాలి: కలెక్టర్
ఈనెల 27న గండికోటలో నిర్వహించే ప్రపంచ పర్యాటక దినోత్సవ వేడుకలకు ఎలాంటి కొరత లేకుండా అన్ని రకాల ఏర్పాట్లను చేయాలని, కడప జిల్లా కలెక్టర్ శివశంకర్ లోతేటి అధికారులను ఆదేశించారు. గండికోట అడ్వెంచర్ స్పోర్ట్స్ అకాడమీ మీటింగ్ హాలులోని గండికోటలో శనివారం సమావేశం అయ్యారు. జిల్లాలో అత్యంత ప్రాచీన చారిత్రక పొందిన పర్యాటక ప్రాంతమైన “గండికోట పర్యాటక కేంద్రంలో వైభవంగా పర్యాటక దినోత్సవం నిర్వహిస్తున్నామన్నారు.