News February 18, 2025
ఎలమంచిలిలో జిల్లా హాకీ జట్టు ఎంపిక పోటీలు

ఎలమంచిలి డిగ్రీ కళాశాల క్రీడా మైదానంలో ఈనెల 20వ తేదీన జిల్లా హాకీ జట్టు సీనియర్ పురుషుల టీమ్ను ఎంపిక చేసేందుకు పోటీలు నిర్వహిస్తున్నట్లు అనకాపల్లి జిల్లా హాకీ అసోసియేషన్ కార్యదర్శి కొఠారి నరేశ్ మంగళవారం తెలిపారు. సాయంత్రం నాలుగు గంటల నుంచి ఎంపిక పోటీలు జరుగుతాయని అన్నారు. ఎంపికైన వారు వచ్చే నెల గుంటూరులో జరిగే పోటీలో పాల్గొంటారని అన్నారు.
Similar News
News November 29, 2025
నల్గొండ: గొర్రెల ధరలు ఆకాశానికి..

ఉమ్మడి నల్గొండ జిల్లాలో గొర్రెల ధరలు భారీగా పెరగడంతో చిన్న వ్యాపారులు తీవ్ర ఇబ్బందులు పడుతున్నారు. మారుబేరగాళ్లు అధిక రేట్లు చెప్పడంతో ఒకటి, రెండు గొర్రెలు కొనే చిన్న వ్యాపారులు వెనక్కు తగ్గుతున్నారు. దీంతో మార్కెట్లో కొనుగోళ్లు తగ్గి, అమ్మకాలు పడిపోయాయి. ఇదే ధరలు కొనసాగితే, కిలో మటన్ ధర రూ.1,000 దాటే అవకాశం ఉంటుందని వ్యాపారులు ఆందోళన వ్యక్తం చేస్తున్నారు.
News November 29, 2025
ఇంట్లోనే షాంపూ ఇలా చేసుకోండి

జుట్టు రాలిపోయే సమస్యకు చెక్ పెట్టాలంటే హోం మేడ్ షాంపూ వాడటం బెటర్ అంటున్నారు నిపుణులు. అదెలా చేయాలంటే.. శీకాయ, కుంకుడు కాయ, ఉసిరి, వేపాకు పొడి సమపాళ్లలో తీసుకొని మరుగుతున్న నీటిలో వేయాలి. ఇవి వేసిన తర్వాత 10నిమిషాలు మరగనివ్వాలి. ఈ మిశ్రమం చల్లారిన తర్వాత వడకట్టుకుని భద్రపరచుకోవాలి. ఈ హోంమేడ్ షాంపూతో తలస్నానం చేస్తే.. జుట్టు రాలిపోవడం తగ్గడంతో పాటు బలంగా తయారవుతుందని చెబుతున్నారు.
News November 29, 2025
స్వమిత్వ సర్వే వేగవంతం: కలెక్టర్ షాన్ మోహన్ ఆదేశం

కాకినాడ క్యాంపు కార్యాలయం నుంచి రెవెన్యూ, పంచాయతీ అధికారులతో జూమ్ కాన్ఫరెన్స్ ద్వారా కలెక్టర్ షాన్ మోహన్ కీలక ఆదేశాలు జారీ చేశారు. కేంద్ర ప్రభుత్వ ప్రతిష్టాత్మక ‘స్వమిత్వ సర్వే’ ప్రక్రియను మరింత వేగవంతం చేసి, సకాలంలో పూర్తి చేయాలని ఆయన అధికారులను ఆదేశించారు. గ్రామాల్లో మెరుగైన సాంకేతికతతో కూడిన సర్వే, మ్యాపింగ్ కోసం ఈ పథకాన్ని ప్రభుత్వం చేపట్టినందున, దీనిని యుద్ధ ప్రాతిపదికన పూర్తి చేయాలన్నారు.


