News August 11, 2024
ఏలూరులో ఇంటర్ విద్యార్థినికి ప్రేమ పేరిట వేధింపులు
ఇంటర్ విద్యార్థినిని వేధిస్తున్న యువకుడిపై ఏలూరు త్రీటౌన్ పోలీస్ స్టేషన్లో కేసు నమోదైంది. బాపులపాడు మండలం వేలేరుకు చెందిన యువతి ఏలూరులోని ఓ కాలేజ్లో ఇంటర్ ఫస్ట్ ఇయర్ చదువుతుంది. ఈమెను అదే విలేజ్కి చెందిన శ్రీరామ్ నాయక్ కొద్దిరోజులుగా ప్రేమ పేరిట వేధిస్తున్నాడు. ఈ విషయాన్ని యువతి ఆమె తల్లికి చెప్పడంతో శనివారం రాత్రి వెళ్లి పోలీసులకు ఫిర్యాదు చేశారు. దీంతో శ్రీరామ్పై పోక్సో కేసు నమోదైంది.
Similar News
News September 11, 2024
ఏలూరులో జాబ్ మేళా.. 77 మంది ఎంపిక
ఏలూరు ప్రభుత్వ డీఎల్ టీసీ, ఐటీఐ కళాశాల ఆవరణలో మంగళవారం నిర్వహించిన జాబ్ మేళాకు 224 మంది హాజరయ్యారని జిల్లా నైపుణ్యాభివృద్ధి అధికారి సుధాకర్ తెలిపారు. ఈ సందర్భంగా ఆయన మాట్లాడుతూ.. జాబ్ మేళాలో 77 మందిని అర్హులుగా గుర్తించి, వివిధ కంపెనీలలో ఉపాధి కల్పించామన్నారు. కార్యక్రమంలో ప్రిన్సిపల్ ఎస్.ఉగాది రావు, జిల్లా ప్లేస్మెంట్ అధికారి(ఒకేషనల్) వరలక్ష్మి, వై.పి ప్రవీణ్ తదితరులు ఉన్నారు.
News September 11, 2024
గోదావరి పరివాహక ప్రజలు అప్రమత్తంగా ఉండాలి: కలెక్టర్
భద్రాచలం వద్ద గోదావరి వరద ఉద్ధృతి ఎక్కువగా ఉన్నందున నీటిని దిగువకు విడుదల చేస్తున్నారని, దీంతో ధవళేశ్వరం బ్యారేజ్ వద్ద మొదటి ప్రమాద హెచ్చరిక జారీ చేశారని ప.గో కలెక్టర్ చదలవాడ నాగరాణి తెలిపారు. ఈ నేపథ్యంలో వశిష్ట గోదావరి వద్ద నీటిమట్టం పెరుగుతుందని, లంక గ్రామాలు, పరివాహక, లోతట్టు ప్రాంతాల ప్రజలు అప్రమత్తంగా ఉండాలని ఆమె సూచించారు. అత్యవసరమైతే తప్ప బోట్ల ద్వారా రాకపోకలు సాగించవద్దని హెచ్చరించారు.
News September 10, 2024
రేపు ప.గో జిల్లాలో సీఎం చంద్రబాబు పర్యటన
ప.గో జిల్లా ఉండి నియోజకవర్గంలోని ఆకివీడు పట్టణంలో సీఎం చంద్రబాబు నాయుడు బుధవారం పర్యటించనున్నారు. ఆకివీడు పట్టణంలోని ఉప్పుటేరు ప్రాంతాన్ని ఆయన పరిశీలిస్తారని కూటమి నాయకులు తెలిపారు.