News March 29, 2025
ఏలూరు: ఏప్రిల్ 1న సోషల్ పరీక్ష..డీఈవో
జిల్లాలో జరుగుతున్న పదో తరగతి పరీక్షల్లో సోషల్ పరీక్ష పై నేటి వరకు సందిగ్ధత నెలకొంది. శుక్రవారం సాయంత్రం ప్రభుత్వ ఉత్తర్వుల మేరకు మార్చి 31న జరగాల్సిన సోషల్ పరీక్ష ఏప్రిల్ 1వ తేదీన నిర్వహించనున్నట్లు జిల్లా విద్యాశాఖ అధికారి వెంకట లక్ష్మమ్మ ప్రకటించారు. దీనికి అనుకూలంగా యాజమాన్య సంస్థలు, విద్యార్థులు, ఉపాధ్యాయులు, ఇన్విజిలేటర్లు సిద్ధపడాలని ఆమె సూచించారు.
Similar News
News November 29, 2025
అనకాపల్లి: యువతి ఆత్మహత్య
అనకాపల్లి పట్టణం విజయరామరాజుపేట ప్రాంతంలో శుక్రవారం ఓ యువతి ఇంటిలో ఆత్మహత్య చేసుకుంది. ఇంటిలో ఎవరూ లేని సమయంలో సాయిదుర్గ (25) ఉరివేసుకుంది. పక్కింటి వారు చూసి ఆమె తల్లి సీతాలక్ష్మికి సమాచారం అందించారు. తల్లి ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్‌ఐ సంతోష్ కుమార్ తెలిపారు.
News November 29, 2025
నీరు ఎక్కువగా తాగితే?
మంచి ఆరోగ్యం కోసం సరిపడా నీరు తాగడం ముఖ్యం. అయితే మోతాదుకు మించితే ఆరోగ్య సమస్యలొస్తాయని వైద్యులు చెబుతున్నారు. ‘రోజూ 2-3 లీట‌ర్ల నీరు తాగొచ్చు. అతిగా తాగితే మూత్రం ద్వారా లవణాలు కోల్పోయి అలసటగా అన్పిస్తుంది. ఓవర్ హైడ్రేషన్ వల్ల విపరీతమైన తలనొప్పి వస్తుంది. కిడ్నీలపై భారం పడి దీర్ఘకాలిక సమస్యలొస్తాయి. పోటాషియం లెవల్స్ పడిపోవడంతో రక్త సరఫరా తగ్గి గుండె ఆరోగ్యానికి ప్రమాదం’ అని హెచ్చరిస్తున్నారు.
News November 29, 2025
విశాఖ: రైలులో నొప్పులు.. అంబులెన్స్‌లోనే ప్రసవం
విశాఖ రైల్వే స్టేషన్‌లో గురువారం రాత్రి రైలులో ప్రయాణిస్తున్న ఓ గర్భిణి అకస్మాత్తుగా తీవ్రమైన నొప్పితో అస్వస్థతకు లోనైంది. అధిక రక్తపోటు లక్షణాలు కనిపించడంతో స్టేషన్ చేరుకున్న వెంటనే గేట్ నెం.1 వద్ద ఉన్న అంబులెన్స్‌‌‌లో డా.భాషిణి ప్రియాంక నేతృత్వంలో తక్షణ చికిత్స అందించగా సాధారణ ప్రసవం జరిగింది. అనంతరం తల్లి, శిశువుకి రైల్వే ఆసుపత్రిలో చికిత్స అందించి, KGHకి తరలించారు.