News June 18, 2024

ఏలూరు: చేతబడి నెపం.. కత్తితో దాడి

పోలవరం మండలం ఎల్లండిపేటలో కత్తిపోట్లు కలకలం రేపాయి. స్థానికుల వివరాల ప్రకారం.. గ్రామంలోని కనకదుర్గమ్మ ఆలయ పూజారి జొన్నడ పేరస్వామిపై అదే గ్రామానికి చెందిన చిక్కాల ఏసుబాబు కత్తితో దాడి చేశాడు. చేతబడి నెపంతోనే దాడికి పాల్పడ్డాడని తెలిపారు. బాధితుడిని పోలవరం ప్రభుత్వాసుపత్రికి తరలించగా ప్రథమ చికిత్సచేసి మెరుగైన వైద్యం కోసం రాజమండ్రికి తరలించారు. పోలవరం పోలీసులు అక్కడికి చేరుకున్నారు.