News March 17, 2025
ఏలూరు జిల్లాలో 133 పరీక్ష కేంద్రాలు: కలెక్టర్
ఏలూరు జిల్లాలో 10వ తరగతి పబ్లిక్ పరీక్షలు నిర్వహణకు 133 కేంద్రాలను ఏర్పాటు చేయడం జరిగిందని జిల్లా కలెక్టర్ వెట్రి సెల్వి ఆదివారం తెలిపారు. ఈ సందర్భంగా కలెక్టర్ మాట్లాడుతూ.. 25,179 మంది 10వ తరగతి పబ్లిక్ పరీక్షలు రాయనున్నారన్నారు. అవసరమైన ఏర్పాట్లను పూర్తి చేశామన్నారు. ఈ పరీక్షల నిమిత్తం 62 మంది కస్టోడియన్లను, 1,120 మంది ఇన్విజిలేటర్లను ఏర్పాటు చేయడం జరిగిందన్నారు.
Similar News
News December 5, 2025
పెళ్లి వయసు రాకున్నా సహజీవనం చేయొచ్చు: రాజస్థాన్ హైకోర్టు
చట్టబద్ధంగా పెళ్లి వయస్సు రాకున్నా పరస్పర అంగీకారంతో సహజీవనం చేసే హక్కు ఇద్దరు మేజర్లకు ఉందని రాజస్థాన్ హైకోర్టు స్పష్టం చేసింది. live-inలో ఉన్న తమకు రక్షణ కల్పించాలని కోటాకు చెందిన యువతి(18), యువకుడు(19) కోర్టును ఆశ్రయించారు. వారు చట్టప్రకారం పెళ్లి చేసుకోలేనంత మాత్రాన ప్రాథమిక హక్కులను కోల్పోకూడదని జస్టిస్ అనూప్ తీర్పుచెప్పారు. చట్ట ప్రకారం పురుషుల పెళ్లి వయసు 21 కాగా, మహిళలకు 18 ఏళ్లు ఉండాలి.
News December 5, 2025
విద్యార్థులతో కలిసి భోజనం చేసిన పరిటాల సునీత
అనంతపురం రూరల్ సిండికేట్ నగర్ జిల్లా పరిషత్ ఉన్నత పాఠశాలలో శుక్రవారం జరిగిన మెగా పేరెంట్స్ మీటింగ్కు రాప్తాడు ఎమ్మెల్యే పరిటాల సునీత హాజరయ్యారు. కూటమి ప్రభుత్వం అధికారంలోకి వచ్చిన తర్వాత విద్యార్థులకు అనుకూలంగా విద్యా వ్యవస్థలో సమూల మార్పులు చేసిందని ఆమె వెల్లడించారు. ప్రభుత్వ సంక్షేమ పథకాలు కూడా అందరికీ అందిస్తున్నామని తెలిపారు. అనంతరం ఎమ్మెల్యే విద్యార్థులతో కలిసి భోజనం చేశారు.
News December 5, 2025
వరంగల్, హనుమకొండ కలయికపై చర్చ ఉంటుందా?
నర్సంపేట పర్యటనలో CM రేవంత్ రెడ్డి హనుమకొండ-వరంగల్ జిల్లాల కలయికపై స్పందిస్తారా? అనే విషయంపై చర్చ జరుగుతోంది. రెండు జిల్లాలను గ్రేటర్ పరిధిలో సమన్వయంగా అభివృద్ధి చేయాలన్న అభిప్రాయాన్ని గతంలో వ్యక్తం చేయగా.. ఆ మధ్య కాలంలో కలయిక ఉంటుందని భావించారు. సదుపాయాలు, రోడ్లు, ట్రాఫిక్ నిర్వహణ, పట్టణ సేవలను ఒకే వ్యూహంతో ముందుకు తీసుకెళ్లడం వల్ల ప్రజలకు ప్రయోజనం చేకూరుతుందని CM చెప్పొచ్చని రాజకీయ వర్గాల అంచనా.