News May 19, 2024

ఏలూరు: 25 ఏళ్లకు తీరిన ఊరి కల..!

ఏలూరు జిల్లాలో 25 ఏళ్లుగా తాగునీటి కోసం అల్లాడుతున్న ఓ గ్రామానికి చేతి బోరింగ్ అందుబాటులోకి వచ్చింది. కుక్కునూరు మండలం కురుములతోగు గ్రామంలో తాగునీరు దొరక్క.. అక్కడి వారు 25 ఏళ్లుగా గుంతల్లో ఊరిన నీరే తాగుతూ జీవిస్తున్నారు. నీటి కలుషితంతో గతంలో రెండేళ్ల బాలుడు, వృద్ధుడు మృతి చెందారు. 12 మంది అస్వస్థతకు గురయ్యారు. ఈ నేపథ్యంలో గ్రామాన్ని సందర్శించిన అధికారులు 3 రోజుల కింద చేతిపంపు ఏర్పాటు చేశారు.