News June 2, 2024
ఏ నియోజకవర్గం ఎన్ని రౌండ్ల కౌంటింగ్ తెలుసా…
తిరుపతి జిల్లాలో జూన్ 4వ తేదీ ఎన్నికల ఫలితాలకు సంబంధించి 7 అసెంబ్లీ నియోజకవర్గాల కౌంటింగ్ రౌండ్ల వివరాలను కలెక్టర్ ప్రవీణ్ కుమార్ వెల్లడించారు. గూడూరు-21రౌండ్లు, సూళ్లూరుపేట-22రౌండ్లు, వెంకటగిరి-22రౌండ్లు, తిరుపతి-20 రౌండ్లు, శ్రీకాళహస్తి-21రౌండ్లు, చంద్రగిరి-20రౌండ్ల లెక్కింపు జరుగుతుందన్నారు. 2,231మంది సిబ్బంది కౌంటింగ్ లో పాల్గొంటారన్నారు. సాయంత్రం 5గంటల్లోగా ఫలితాలు విడుదలయ్యే అవకాశం ఉంది.
Similar News
News September 13, 2024
చిత్తూరు: రేపటి నుంచి స్వచ్ఛత హీ సేవ
జిల్లాలో రేపటి నుంచి అక్టోబర్ 1 వరకు స్వచ్ఛత హీ సేవ కార్యక్రమాలు నిర్వహించనున్నట్లు కలెక్టర్ సుమిత్ కుమార్ తెలిపారు. ఇందులో భాగంగా అవగాహన సదస్సులు, ర్యాలీలు, వర్క్ షాపులు నిర్వహిస్తామన్నారు. గ్రామాలలో శ్రమదానం చేయాలని సూచించారు. కార్యక్రమాలను పకడ్బందీగా నిర్వహించాలని ఆదేశించారు.
News September 13, 2024
ఆసుపత్రి నుంచి ఇంటికి చేరుకున్న ఆదిమూలం
లైంగిక వేధింపుల కేసు నేపథ్యంలో మధ్య చెన్నై అపోలో నుంచి ఆదిమూలం డిశ్ఛార్జి అయి ఇంటికి వచ్చారు. ఆయన పుత్తూరు నివాసానికి చేరుకున్నారని సమాచారం. ఆయన గన్మెన్, పీఏ సహా బంధుమిత్రులకు, పార్టీ శ్రేణులకు ఎవరికీ అనుమతి లేదని సమాచారం. బుధ, గురువారాల్లో TPT ఇంటెలిజెన్స్ పోలీసులు ఎమ్మెల్యేను కలిసేందుకు ప్రయత్నించారు. కానీ గుండెకు స్టంట్ వేయించుకున్నానని రెండ్రోజుల్లో తానే వచ్చి కలుస్తానని ఆయన చెప్పారు.
News September 13, 2024
ప్రమాదాలకు నిలయంగా భాకరాపేట ఘాట్..?
భాకరాపేట ఘాట్ రోడ్డు ప్రమాదాలకు కేంద్ర బిందువుగా నిలుస్తోంది. నెలలో కనీసం రెండు, మూడు ప్రమాదాలు జరుగుతున్నాయి. ఏడాదికి 30 నుంచి 50 మంది వరకు ఈ రహదారిలో ప్రాణాలను కోల్పోతున్నారు. ప్రమాదాలు జరిగినపుడు పోలీసులు, రవాణ శాఖ అధికారులు వెళ్లి పరిశీలించడం మినహా.. ప్రమాదాల నివారణకు ఎలాంటి చర్యలు తీసుకోవడం లేదని ఆరోపణలు వినిపిస్తున్నాయి. నిన్న టమాటా లోడ్ కంటైనర్ ఢీకొనడంతో నలుగురు చనిపోయిన విషయం తెలిసిందే.