News January 28, 2025
ఐటీసీ ఎన్నికల్లో అనైతిక పొత్తులు

సారపాక ఐటీసీ కర్మాగారంలో ఎంప్లాయిస్ యూనియన్ ఎన్నికలు త్వరలో జరగనున్నాయి. ప్రచారం కూడా జోరుగా సాగుతోంది. TDP, YSRCP అనుబంధ సంస్థలు పొత్తుతో ముందుకెళ్తున్నాయి. నిన్న ఇరుపార్టీల నేతలు కలిసి ర్యాలీ నిర్వహించడం గమనార్హం. అసలు ఇరుపార్టీలు పొత్తు ఉన్న సందర్భాలు ఎక్కడా లేవు. మరోవైపు ఈ అనైతిక పొత్తులు ఎవరి స్వలాభం కోసం? అనే చర్చ కూడా మొదలైంది.
Similar News
News November 30, 2025
వర్షాలు.. మంత్రి ఆనం కీలక ఆదేశాలు

భారీ వర్షాలు, దిత్వా తుఫాను నేపథ్యంలో మంత్రి ఆనం రామనారాయణ రెడ్డి అధికారులతో టెలీకాన్ఫరెన్స్ నిర్వహించారు. జిల్లా తుఫాన్ ప్రత్యేక అధికారి యువరాజ్ IAS, జాయింట్ కలెక్టర్ మొగిలి వెంకటేశ్వర్లు, ఇంజినీరింగ్ విభాగాలతో చర్చించారు. సోమశిల, కండలేరు, సంగం, నెల్లూరు బ్యారేజ్ల నీటి ఇన్ఫ్లో, అవుట్ఫ్లో వివరాలను తెలుసుకున్నారు. వాగులు, జలాశయాల వద్ద ఎప్పటికప్పుడు నిఘా పెట్టాలని ఆదేశించారు.
News November 30, 2025
ఇమ్రాన్ ఖాన్ బతికే ఉన్నారు: పాక్ సెనేటర్

ఇమ్రాన్ ఖాన్ చనిపోయారన్న వార్తలపై ఆయన పార్టీ (పీటీఐ)కి చెందిన సెనేటర్ ఖుర్రం జీషన్ క్లారిటీ ఇచ్చారు. ఇమ్రాన్ బతికే ఉన్నారని, ప్రస్తుతం అడియాలా జైలులో ఉంచారని తెలిపారు. పాక్ నుంచి వెళ్లిపోయేలా ఒత్తిడి తెచ్చేందుకు ఆయన్ను ఒంటరిగా ఉంచారని పేర్కొన్నారు. ఇమ్రాన్కు ఉన్న ప్రజాదరణను చూసి ప్రభుత్వం భయపడుతోందని, అందుకే ఆయన ఫొటోలు, వీడియోలను రిలీజ్ చేేసేందుకు అనుమతివ్వడం లేదని ఆరోపించారు.
News November 30, 2025
ఒంగోలులో రేపటి గ్రీవెన్స్ డే రద్దు

తుఫాన్ దృష్ట్యా ఒంగోలు కలెక్టరేట్లో సోమవారం నిర్వహించాల్సిన ప్రజా సమస్యల పరిష్కార వేదిక(గ్రీవెన్స్ డే)ను రద్దు చేశారు. ఈ మేరకు కలెక్టర్ పి.రాజాబాబు ఆదివారం ఓ ప్రకటన విడుదల చేశారు. ప్రజలు ఈ విషయాన్ని గమనించి ఎవరూ ఒంగోలుకు రావద్దని కోరారు.


