News May 12, 2024
ఓటర్లకు ఆహ్వానం పంపిన కడప కలెక్టర్
ప్రజాస్వామ్య పండుగలో భాగంగా మే 13న జరిగే ఎన్నికల ఓటింగ్ కార్యక్రమంలో మీ కుటుంబంలోని ఓటర్లందరూ.. తమ ఓటు హక్కును సద్వినియోగించుకోవాలని జిల్లా ఎన్నికల అధికారి, జిల్లా కలెక్టర్ వి.విజయ్ రామరాజు ఒక ప్రకటన ద్వారా ఆహ్వానం పలికారు. ఓటు హక్కును పొందిన వారంతా తమ తమ నియోజకవర్గాల్లో ఓటర్ కార్డు కలిగిన పోలింగ్ కేంద్రాలలో ఈ నెల 13వ తేదీ ఉదయం 6 నుంచి సాయంత్రం 6 లోపు ఓటు వేసేందుకు తరలిరావాలని ఓటర్లను సూచించారు.
Similar News
News February 6, 2026
కడప: మహాశివరాత్రి ఏర్పాట్లపై కలెక్టర్ సమీక్ష
ఈ నెల 14 నుంచి జరిగే మహాశివరాత్రి ఉత్సవాలను శైవక్షేత్రాల్లో ఘనంగా నిర్వహించాలని కలెక్టర్ శ్రీధర్ అధికారులను ఆదేశించారు. శుక్రవారం రాత్రి కలెక్టరేట్లో ఎస్పీ నచికేత్ విశ్వనాథ్తో కలిసి ఆయన సమీక్ష నిర్వహించారు. భక్తులకు ఇబ్బంది లేకుండా ఆలయాల వద్ద పోలీసు బందోబస్తు, తాగునీరు, విద్యుత్, మరుగుదొడ్ల వంటి కనీస వసతులు కల్పించాలని సూచించారు. అన్ని శాఖల అధికారులు సమన్వయంతో పనిచేయాలని స్పష్టం చేశారు.
News February 6, 2026
కడప: టీ కోసం గొడవ.. టౌన్ ప్లానింగ్ ఏసీపీ సస్పెండ్
ప్రొద్దుటూరులో<<19058178>> టీ కోసం గొడవ<<>> పడి టీస్టాల్ పైకి JCBని పంపించిన ప్రొద్దుటూరు టౌన్ ప్లానింగ్ విభాగం ఏసీపీ నాగరాజును శుక్రవారం రాష్ట్ర ప్రభుత్వం సస్పెండ్ చేసింది. ప్రభుత్వ అధికారాన్ని దుర్వినియోగం చేసినందుకు ఏసీపీ నాగరాజును సస్పెండ్ చేస్తూ రాష్ట్ర మున్సిపల్ అడ్మినిస్ట్రేషన్ డైరెక్టర్ విద్యులత శుక్రవారం సాయంత్రం ఉత్తర్వులు జారీ చేశారు. టీ గొడవ కూల్చివేత వరకు వెళ్లడంపై Way2Newsలో పబ్లిష్ అయింది.
News February 6, 2026
పులివెందుల: రూ.11 వేల కోట్లు దాటిన విద్యుత్ బకాయిలు
పులివెందుల డివిజన్ పరిధిలో విద్యుత్ బకాయిలు భారీగా పేరుకుపోయాయి. మొత్తం 1,41,833 విద్యుత్ సర్వీసులకు గాను ఏకంగా రూ.11,122.10 కోట్ల బకాయిలు ఉన్నట్లు అధికారులు వెల్లడించారు. ఇందులో ప్రైవేట్ సర్వీసుల బకాయిలు కేవలం రూ.78 లక్షలు ఉండగా, మిగిలిన సింహభాగం ప్రభుత్వ సర్వీసుల నుండే రావలసి ఉంది. బకాయిల వసూళ్లపై విద్యుత్ శాఖ ప్రత్యేక దృష్టి సారించింది.