News March 21, 2024
ఓటర్ జాబితాలో ముందే పేర్లు చూసుకోవాలి : కలెక్టర్
ఓటు హక్కు ఉన్న ప్రతి ఒక్కరూ ఓటరు జాబితాలో వారి పేర్లను ముందే చూసుకోవాలని జిల్లా కలెక్టర్ హరిచందన కోరారు. బుధవారం ఆమె నాగార్జునసాగర్ అసెంబ్లీ నియోజకవర్గ పరిధిలోని హాలియాలో ఏర్పాటు చేయనున్న పార్లమెంటు ఎన్నికల సామాగ్రి పంపిణీ కేంద్రం, రిసెప్షన్ కేంద్రాన్ని పరిశీలించారు. అదేవిధంగా పోలింగ్ కేంద్రం సైతం ఎక్కడుందో చూసుకోవాలన్నారు. 18 సంవత్సరాలు నిండిన ప్రతి ఒక్కరు ఓటరుగా నమోదు చేసుకోవాలని కోరారు.
Similar News
News November 29, 2025
నల్గొండ: ఆ రెండు ఖాతాల్లో ఏదో ఒకటి ఇవ్వాలి!
గ్రామ పంచాయతీ ఎన్నికల్లో పోటీ చేసే అభ్యర్థులు కొత్తగా బ్యాంకు ఖాతా తీసి ఇవ్వాలని జిల్లా కలెక్టర్ ఇలా త్రిపాఠి తెలిపారు. ఇప్పటికే బ్యాంకుల్లో అకౌంట్ ఉన్నప్పటికీ ఆ ఖాతా కాకుండా కొత్తగా అదే బ్యాంకులో కానీ, ఇతర బ్యాంకుల్లో ఖాతా తెరిచి ఇవ్వాలని తెలిపారు. ఒక వేళ బ్యాంకుల్లో అకౌంట్ తీయడం వీలుకాకపోతే పోస్టాఫీస్‌లో అకౌంట్ తీసి ఎన్నికల అధికారులకు అందించాలని తెలిపారు.
News November 29, 2025
నల్గొండ: పంచాయతీ ఎన్నికలు.. ఇదీ పరిస్థితి..!
పంచాయతీ ఎన్నికల నేపథ్యంలో నల్గొండ జిల్లాలోని పలు చోట్ల ఏకగ్రీవం చేసేందుకు ప్రధాన పార్టీల నాయకులు చూస్తున్నారు. ఇందుకు బుజ్జగింపులు, నగదు, పదవీ ఆశలు చూపుతూ పోటీ చేద్దామనుకునే వారిని తమ నిర్ణయం వెనక్కి తీసుకునేలా చేస్తున్నారు. ఇక పలు చోట్ల సర్పంచ్ పదవి కోసం వేలం పాటలు నిర్వహిస్తున్నారు. ఎవరు ఎక్కువ పాడితే వారినే ఏకగ్రీవంగా ఎన్నుకుంటున్నారు. అయితే ఇది నిబంధనలకు విరుద్ధమని అధికారులు చెబుతున్నారు.
News November 29, 2025
హైదరాబాదులో గుండ్లపల్లి మండల వాసి ఆత్మహత్య
నిరుద్యోగం, ఆర్థిక సమస్యలతో నల్గొండ(D) గుండ్లపల్లి(M) తవక్లాపూర్‌కు చెందిన ఆంజనేయులు(27) హైదరాబాద్‌లో ఆత్మహత్య చేసుకున్నాడు. పోటీ పరీక్షల కోసం 8 నెలల క్రితం LBనగర్‌కు వెళ్లాడు. శుక్రవారం మ.1:10కి బంధువు అనిల్‌కు చనిపోతానని ఫోన్లో చెప్పాడు. విషయాన్ని వెంటనే సోదరుడు అభినందన్‌కు తెలియజేయగా అతను వెళ్లి చూసేసరికి ఉరేసుకొని కనిపించాడు. అతని సోదరుడు ఫిర్యాదు చేశాడని LBనగర్ సీఐ వినోద్ తెలిపారు.