News January 25, 2025
ఓటు హక్కును వజ్రాయుధంలా వినియోగించుకోవాలి: MHBD కలెక్టర్
ఓటు హక్కును ప్రతి ఒక్కరూ వజ్రాయుధంలా వినియోగించుకోవాలని మహబూబాబాద్ కలెక్టర్ అద్వైత్ సింగ్ కుమార్ అన్నారు. మహబూబాబాద్ కలెక్టరేట్ కార్యాలయంలోని సమావేశ మందిరంలో నేడు జాతీయ ఓటర్ల దినోత్సవం నిర్వహించారు. ఈ సందర్భంగా ఆయన మాట్లాడుతూ.. ఎన్నికల్లో ఎలాంటి ప్రలోభాలకు లోను కాకుండా, స్వేచ్ఛగా ఓటు హక్కును వినియోగించుకోవాలని సూచించారు. ఈ కార్యక్రమంలో ఆయనతోపాటు జిల్లా అదనపు కలెక్టర్లు పాల్గొన్నారు.
Similar News
News November 26, 2025
KMR: మద్యం మత్తులో వేధిస్తున్నాడని భర్తను చంపిన భార్య
ఎల్లారెడ్డి మండలం బాలాజీ నగర్ తండాలో దారుణ ఘటన చోటుచేసుకుంది. తరచూ మద్యం సేవించి వేధిస్తున్నాడనే కోపంతో నిద్రిస్తున్న భర్త రత్నావత్ తుకారం (40)ను భార్య మీన హతమార్చింది. ఈ విషయాన్ని సీఐ రాజారెడ్డి తెలిపారు. కేసు నమోదు చేసుకుని దర్యాప్తు చేస్తున్నామన్నారు. ఈ ఘటనపై మరిన్ని వివరాలు తెలియాల్సి ఉంది.
News November 26, 2025
పర్యటకానికి కేరాఫ్ అడ్రస్‌గా పోలవరం జిల్లా.!
పోలవరం జిల్లా రంపచోడవరం కేంద్రంగా ఏర్పాటు చేసేందుకు ప్రభుత్వం అడుగులు వేస్తున్న విషయం తెలిసిందే. రంపచోడవరం నియోజకవర్గంలోని 11 మండలాలు ప్రస్తుతం అల్లూరి జిల్లాలో ఉన్నాయి. ఈ ప్రాంత వాసులు జిల్లా కేంద్రానికి వెళ్లాలంటే 300KM ప్రయాణించాల్సి వస్తోంది, కొత్త జిల్లా వలన ఆ ఇబ్బంది తొలగనుంది. అలానే పాపికొండల అభయారణ్యం మొత్తం ఈ నూతన జిల్లాలో ఉండనుంది. దీంతో ఈ జిల్లా పర్యటకానికి కేరాఫ్ అడ్రస్‌గా మారనుంది.
News November 26, 2025
కడప: హౌసింగ్ అక్రమాల్లో చిన్న ఉద్యోగులు బలి.!
గత ప్రభుత్వంలో జిల్లాలో జరిగిన ఇళ్ల నిర్మాణాల్లో కింది స్థాయి ఉద్యోగులను మాత్రమే బలి చేశారనే విమర్శలు వినిపిస్తున్నాయి. జిల్లాలో 6298 ఇళ్ల నిర్మాణాల అక్రమాలపై 201 మంది సచివాలయ, మండల స్థాయి ఉద్యోగులకు జీతాలు నిలిపి వేశారు. బిల్లుల చెల్లింపులో DEE, EE, PD, SE, CE, MD స్థాయిలో ప్రతిచోట పరిశీలన జరుగుతోంది. నిర్మాణాలు పరిశీలించకుండానే అధికారులు ఏవిధంగా చెల్లింపులు చేశారనే అనుమానాలు వ్యక్తమవుతున్నాయి.