News August 18, 2024
కంభం: చంద్రబాబుపై అనుచిత పోస్ట్ పెట్టిన మహిళ అరెస్ట్
కంభం పట్టణంలో సీఎం చంద్రబాబును అవమానిస్తూ ఫేస్‌బుక్‌లో అనుచిత పోస్టు పెట్టిన ఓ మహిళను పోలీసులు శనివారం అదుపులోకి తీసుకున్నారు. టీడీపీ కార్యకర్తలు ఇచ్చిన ఫిర్యాదుతో పోలీసులు సాంకేతిక పరిజ్ఞానం సహాయంతో పోస్టు పెట్టిన వారిని గుర్తించారు. బేస్తవారిపేటకు చెందిన ఓ మహిళ పోస్ట్ పెట్టినట్లుగా గుర్తించి ముందుగా నోటీసు ఇచ్చి ఆమెను అదుపులోకి తీసుకున్నట్లు పోలీసులు తెలిపారు.
Similar News
News November 30, 2025
ప్రకాశం: సెల్‌ఫోన్ మాట్లాడుతూ డ్రైవింగ్ వద్దు..!
సెల్‌ఫోన్ చూస్తూ, మాట్లాడుతూ.. డ్రైవింగ్ చేస్తే, ప్రమాదాలను ఆహ్వానించినట్లేనని ప్రకాశం పోలీసులు వాహనదారులకు సూచించారు. ప్రమాదాల నివారణ, సైబర్ నేరాలపై విస్తృత అవగాహన కల్పిస్తున్నామని చెప్పారు. మద్యం మత్తులో వాహనాలు నడిపి ప్రమాదాల బారిన పడవద్దని కోరారు. వాహనదారులు రోడ్డు భద్రతా నియమాలు పాటించాలని సూచించారు.
News November 30, 2025
ఒంగోలులో రేపటి గ్రీవెన్స్ డే రద్దు
తుఫాన్ దృష్ట్యా ఒంగోలు కలెక్టరేట్‌లో సోమవారం నిర్వహించాల్సిన ప్రజా సమస్యల పరిష్కార వేదిక(గ్రీవెన్స్ డే)ను రద్దు చేశారు. ఈ మేరకు కలెక్టర్ పి.రాజాబాబు ఆదివారం ఓ ప్రకటన విడుదల చేశారు. ప్రజలు ఈ విషయాన్ని గమనించి ఎవరూ ఒంగోలుకు రావద్దని కోరారు.
News November 30, 2025
ప్రకాశం జిల్లాలో వారికి సెలవులు రద్దు
దిత్వా తుఫాన్ నేపథ్యంలో ప్రకాశం జిల్లాలోని విద్యుత్తు శాఖ సిబ్బందికి 3రోజులు సెలవులు రద్దు చేశామని ఎస్ఈ కట్టా వెంకటేశ్వర్లు వెల్లడించారు. ఒంగోలులోని విద్యుత్ భవన్‌లో ఆదివారం ఆయన మాట్లాడుతూ.. విద్యుత్ వినియోగదారులు జాగ్రత్తలు తీసుకోవాలని కోరారు. వర్షాల సమయంలో మోటార్లు, స్తంభాల వద్దకు వెళ్లకుండా ఉండడమే మంచిదని సూచించారు. అత్యవసర సమయాల్లో 9440817491కు కాల్ చేయాలని కోరారు.