News September 26, 2024
కడప జిల్లాలో 13 మంది అరెస్ట్
జిల్లాలో జూదం ఆడుతూ 13 మంది బుధవారం అరెస్టయ్యారు. ఎర్రగుంట్లలోని ఎరుకల కాలనీలో 8, సింహాద్రిపురం మండలం వై.కొత్తపల్లెలో <<14196593>>ఐదుగురి<<>>ని పోలీసులు అదుపులోకి తీసుకున్నారు. వీరినుంచి రూ.28,530 నగదును స్వాధీనం చేసుకుని కేసు నమోదు చేశారు. జిల్లాలో అసాంఘిక కార్యక్రమాలకు పాల్పడితే కఠిన చర్యలు తప్పవని హెచ్చరించారు. చట్టవ్యతిరేక పనులు ఎవరైనా చేస్తున్నట్లు తెలిస్తే తమ దృష్టికి తీసుకురావాలని పోలీసులు కోరుతున్నారు.
Similar News
News October 12, 2024
అన్నమయ్య జిల్లా ప్రజలకు కలెక్టర్ దసరా శుభాకాంక్షలు
విజయదశమి పర్వదిన సందర్భంగా జిల్లా ప్రజలకు, పోలీస్ సిబ్బందికి, మీడియా మిత్రులకు జిల్లా కలెక్టర్ శ్రీధర్ చామకూరి శుభాకాంక్షలు తెలిపారు. చెడుపై మంచి సాధించిన విజయానికి సంకేతంగా జరుపుకునే విజయదశమి వేడుకను ప్రతి ఒక్కరూ సంతోషంతో జరుపుకోవాలని పిలుపునిచ్చారు. ప్రజలకు అమ్మవారి అనుగ్రహం ఎల్లవేళలా ఉండాలని, అన్ని వర్గాల వారు నిత్యం సంతోషంగా ఉండాలని అభిలాషించారు.
News October 11, 2024
కడప జిల్లా ప్రజలకు ఎస్పీ దసరా శుభాకాంక్షలు
విజయదశమి పర్వదిన సందర్బంగా జిల్లా ప్రజలకు, పోలీస్ సిబ్బందికి, మీడియా మిత్రులకు ఎస్పీ వీ.హర్షవర్ధన్ రాజు శుభాకాంక్షలు తెలిపారు. చెడుపై మంచి సాధించిన విజయానికి సంకేతంగా జరుపుకునే విజయదశమి వేడుకను ప్రతి ఒక్కరూ సంతోషంతో జరుపుకోవాలని పిలుపునిచ్చారు. ప్రజలకు అమ్మవారి అనుగ్రహం ఎల్లవేళలా ఉండాలని, అన్ని వర్గాల వారు నిత్యం సంతోషంగా ఉండాలని అభిలాషించారు.
News October 11, 2024
కడప జిల్లా కలెక్టర్ బదిలీ
కడప కలెక్టర్ శివశంకర్‌ను తెలంగాణ రాష్ట్రానికి కేటాయిస్తూ కేంద్ర ప్రభుత్వం ఆదేశాలు జారీ చేసింది. ఆంధ్ర, తెలంగాణ క్యాడర్ విభజనపై కేంద్రం ఈ కీలక నిర్ణయం తీసుకుంది. రాష్ట్ర విభజన సమయంలో అధికారులను ఏపీ, తెలంగాణకు కేంద్రం సర్దుబాటు చేసింది. తెలంగాణ క్యాడర్‌కు చెందిన కడప కలెక్టర్ శివశంకర్‌ను తిరిగి ఆ రాష్ట్రానికి కేటాయించారు. ఈ నెల 16లోపు రిపోర్ట్ చేయాలని పేర్కొంది.