News September 4, 2024
కడప: వైసీపీ కార్యక్రమంలో పాల్గొన్న సీఐ: టీడీపీ
సోమవారం YSR వర్ధంతి సందర్భంగా జగన్ ఇడుపులపాయలో తన తండ్రికి నివాళులర్పించిన విషయం తెలిసిందే. అయితే ఈ కార్యక్రమంలో గుంటూరు రేంజ్ వీఆర్లో పనిచేస్తున్న సీఐ వెంకటేశ్వర రెడ్డి పాల్గొన్నారని టీడీపీ శ్రేణులు ఆరోపిస్తున్నాయి. కృష్ణా గుంటూరు జిల్లాలో సీఎం, మంత్రులు, అధికారులు సహాయక చర్యల్లో ఉంటే ఈ సీఐ మాత్రం జగన్ వెంట ఉన్నారని విమర్శిస్తున్నాయి. ఒక YCP కార్యకర్తగా సీఐ ఉండటం సిగ్గుచేటని ఆగ్రహిస్తున్నాయి.
Similar News
News September 21, 2024
రాజంపేట: ఇంటర్నేషనల్ ఎడ్యుకేషన్ సదస్సులో పాల్గొన్న అభిషేక్ రెడ్డి
ప్రపంచ వ్యాప్తంగా ఉన్న ఉన్నత విద్యా సంస్థల మధ్య గ్లోబల్ లర్నింగ్ అనుభవాలను పెంచుకోవడమే లక్ష్యంగా రాజంపేట అన్నమాచార్య విశ్వవిద్యాలయ ప్రో ఛాన్సలర్ అభిషేక్ రెడ్డి ఈ నెల 18, 19 తేదీలలో ఫ్రాన్స్ పర్యటన చేశారు. యూరోపియన్ అసోసియేషన్ ఫర్ ఇంటర్నేషనల్ ఎడ్యుకేషన్ (EAIE) సదస్సులో ఆయన పాల్గొన్నారు. భారత కాన్సులేట్ జనరల్ ప్రతినిధులు ఆయనకు “ఫ్లాగ్ బేరర్ ఆఫ్ ఇండియన్ హయ్యర్ ఎడ్యుకేషన్” అనే సర్టిఫికేట్ అందజేశారు.
News September 20, 2024
కడప: గంజాయి విక్రయాలపై దాడులు
కడపలో గంజాయి విక్రయాలపై పోలీసులు ఉక్కు పాదం మోపుతున్నారు. తాజాగా 2 టౌన్ పోలీస్ స్టేషన్ పరిధిలో గంజాయి విక్రయిస్తున్న నలుగురిని పోలీసులు అరెస్టు చేశారు. సీఐ నాగార్జున తెలిపిన వివరాల ప్రకారం.. మాసాపేటలోని హిందూ స్మశాన వాటిక సమీపంలో గంజాయి విక్రయాలు చేస్తున్నట్లు వచ్చిన సమాచారంతో వెళ్లి దాడులు నిర్వహించామన్నారు. వీరి వద్ద నుంచి 4.1 కేజీల గంజాయి, 1000 నగదు స్వాధీనం చేసుకున్నామన్నారు.
News September 20, 2024
కడప జిల్లాకు పవర్ లిఫ్టింగ్లో పతకాల పంట
ఆర్కే వ్యాలీ IIIT పవర్ లిఫ్టింగ్ టీం కడప జిల్లా తరఫున ఇటీవల అమలాపురంలో జరిగిన ఏపీ 11వ క్లాసిక్ పవర్ లిఫ్టింగ్ ఛాంపియన్షిప్లో ఉత్తమ ప్రతిభ కనబరిచింది. టీమ్ చాంపియన్షిప్ సబ్ జూనియర్ విభాగంలో గర్ల్స్ ఫస్ట్ ప్లేస్, బాయ్స్ సెకండ్ ప్లేస్ కైవసం చేసుకున్నారు. మొత్తం 8 బంగారు, 7 రజిత, 1 కాంస్య పతకాలు సాధించారు. ఇందులో అమ్మాయిలు 6 బంగారు, 4 రజిత, 1 కాంస్య, అబ్బాయిలు 2 బంగారు, 3 రజిత పతకాలు సాధించారు.