News September 23, 2024
కడప హజ్ హౌస్‌ను త్వరగా పూర్తి చేయాలి: చంద్రబాబు
సచివాలయంలో సీఎం చంద్రబాబు సోమవారం పలు విషయాల గురించి చర్చించారు. ఈ చర్చల్లో భాగంగా.. కడపలో రూ.15 కోట్లతో నిర్మిస్తున్న హజ్ హౌస్ నిర్మాణం గురించి అధికారులను అడిగారు. 80% పూర్తయిందని తెలుపగా మిగిలిన పనులను త్వరితగతిన పూర్తిచేయాలని చంద్రబాబు అధికారులకు ఆదేశించారు. అనంతరం తెలుగుదేశం ప్రభుత్వంలో ఇదివరకు ప్రవేశపెట్టిన పథకాలను అమలు చేసేందుకు ప్రణాళికలు సిద్ధం చేయాలన్నారు.
Similar News
News October 13, 2024
ప్రొద్దుటూరు: దసరా వేడుకల్లో దారుణం
ప్రొద్దుటూరులో దసరా అమ్మవారి గ్రామోత్సవంలో ఓ దారుణ ఘటన చోటుచేసుకుంది. సుధీర్ అనే వ్యక్తిని గుర్తు తెలియని వ్యక్తులు తెల్లవారుజామున కత్తితో పొడిచిన విషయం వెలుగులోకి వచ్చింది. ఈ ఘటనతో అక్కడ ఉన్న వారిలో ఆందోళన నెలకొంది. సహాయం కోసం సమీపంలో ఉన్న వ్యక్తులు వెంటనే స్పందించి, సుధీర్‌ను ఆసుపత్రికి తరలించారు. ప్రస్తుతం ఆయన చికిత్స పొందుతున్నారు. ఈ ఘటనపై పూర్తి వివరాలు తెలియాల్సి ఉంది.
News October 13, 2024
కడప: దసరా వేడుకల్లో అపశ్రుతి.. గాయపడిన వ్యక్తి మృతి
కడప నగరంలో దసరా వేడుకలో అపశ్రుతి చోటుచేసుకున్న విషయం తెలిసిందే. నగరంలోని బెల్లం బండి వీధిలో దసరా ఊరేగింపులో దురదృష్టవశాత్తూ పందిరి పైభాగానికి విద్యుత్ తీగలు తగిలాయి. ఈ కారణంగా ముగ్గురు వ్యక్తులు గాయపడ్డారు. రిమ్స్ ఆసుపత్రిలో చికిత్స పొందుతూ ఓ వ్యక్తి మరణించారు. ఈ ప్రమాదంలో ఒక ఎద్దు అక్కడికక్కడే మరణించింది. మిగతా వారు చికిత్స పొందుతున్నారు.
News October 12, 2024
నేడు కడప – అరక్కోణం రైలు రద్దు
చెన్నై సమీపంలో నిన్న రాత్రి జరిగిన రైలు ప్రమాదం కారణంగా కొన్ని రైళ్ళను దారి మళ్లించారు. మరికొన్ని రైళ్ళను రద్దు చేశారు. అందులో భాగంగా కడప నుంచి అరక్కోణం వెళ్ళే రైలు నం 06402 నేడు రద్దు చేసినట్లు సౌత్ సెంట్రల్ రైల్వే చీఫ్ పబ్లిక్ రిలేషన్ ఆఫీసర్ శ్రీధర్ తెలిపారు. ప్రయాణికులు ఈ విషయాన్ని గమనించాలని ఆయన కోరారు.