News April 5, 2024
కడప MPగా పోటీ చేయడానికి కారణం చెప్పిన షర్మిల
కాంగ్రెస్ కడప ఎంపీ అభ్యర్థిగా బరిలో దిగుతున్న వైఎస్ షర్మిల ఆసక్తికర వ్యాఖ్యలు చేశారు. ‘ఓ వైపు YSR బిడ్డ, మరోవైపు వివేకాను హత్య చేయించిన వ్యక్తి కడప ఎంపీగా పోటీ చేస్తున్నారు. ప్రజలు ఆలోచించి ఓట్లు వేయాలి. వివేకాను హత్య చేయించిన వారికి వైసీపీ టికెట్ ఇవ్వడాన్ని నేను తట్టులోక పోయాను. హంతకులు చట్టసభల్లో ఉండకూడదు. అందుకే నేను కడప బరిలోకి దిగుతున్నా’ అని బద్వేల్ నియోజకవర్గ ప్రచారంలో షర్మిల అన్నారు.
Similar News
News October 30, 2025
PGRS ఫిర్యాదుల పరిష్కారానికి కృషి చేయాలి: RDO
PGRS ఫిర్యాదుల పరిష్కారానికి కృషి చేయాలని కడప RDO జాన్ ఇర్విన్ రెవెన్యూ సిబ్బందిని ఆదేశించారు. సిద్దవటం MRO కార్యాలయంలో గురువారం PGRSపై సిబ్బందితో సమావేశం నిర్వహించారు. ప్రజా వేదికలో ఫిర్యాదు చేసిన ఫిర్యాదు దారులతో RDO చరవాణిలో మాట్లాడారు. అలాగే ఆయన గోల్డెన్ రికార్డ్స్, రీసర్వేపై సిబ్బందికి సూచనలు, సలహాలు ఇచ్చారు.
News October 30, 2025
రైలు కిందపడి గుర్తు తెలియని వ్యక్తి మృతి
కొండాపురంలోని పాత కొండాపురం సమీపంలో చిత్రావతి నది వంతెన సమీపంలో గురువారం రైలు కిందపడి గుర్తు తెలియని వ్యక్తి మృతి చెందాడు. స్థానికుల వివరాల మేరకు.. అతను రైలు కింద పడడంతో అతని తల, మొండెం రెండు భాగాలుగా విడిపోయాయి. మృతుడి ఒంటిపై పసుపు కలర్ చొక్కా, బ్లూ కలర్ పాయింట్ ఉన్నాయి. ఈ ఘటనపై మరిన్ని వివరాలు తెలియాల్సి ఉంది.
News October 30, 2025
ప్రొద్దుటూరు: కుమారుని వివాహానికి వెళ్తూ తండ్రి మృతి
నెల్లూరు జిల్లాలో కుమారుని వివాహానికి వెళ్తూ ప్రొద్దుటూరుకు చెందిన బాషా సయ్యద్ పాల్ (50) మృతి చెందారు. బుధవారం రాత్రి నెల్లూరు జిల్లాలో జరిగిన రోడ్డు ప్రమాదంలో ఈయన మృతి చెందారు. దీంతో పెళ్లి ఇంట్లో విషాదం నెలకొంది. UPకి చెందిన సయ్యద్ పాల్ ప్రొద్దుటూరులో ఉంటున్నారు. ఆయనతో పాటు సమీప బంధువు సయ్యద్ ఆసిఫ్(20) కూడా మృతి చెందాడు.