News January 4, 2025
కడెం: రేపు సాగు నీటిని విడుదల చేయనున్న ఎమ్మెల్యే
ఖానాపూర్ నియోజకవర్గంలోని సదర్మాట్, కడెం ప్రాజెక్టుల ఆయకట్టు పరిధిలోని రైతుల పొలాలకు ఎమ్మెల్యే బొజ్జు సాగునీటిని విడుదల చేయనున్నారని ఇరిగేషన్ అధికారులు వెల్లడించారు. రబీ సీజన్‌కు సంబంధించి ఆయా ప్రాజెక్టుల పరిధిలో ఉన్న రైతుల పొలాల్లో వేసే పంటల కోసం ఖానాపూర్ ఎమ్మెల్యే బొజ్జు ఆదివారం ఉదయం 10 గంటలకు సాగునీటిని విడుదల చేయనున్నారని వారు వెల్లడించారు. విషయాన్ని రైతులు, అందరూ గమనించాలని వారు సూచించారు.
Similar News
News January 9, 2025
ADB: గురుకులాల్లో ప్రవేశాలకు దరఖాస్తు చేసుకోవాలి
విద్యార్థుల బంగారు భవిష్యత్తుకు బాటలు వేస్తున్న ప్రభుత్వ గురుకులాల్లో ప్రవేశాలకు దరఖాస్తులు చేసుకోవాలని కలెక్టర్ రాజర్షి షా తెలిపారు. 2025-26 విద్యా సంవత్సరంలో వివిధ గురుకులాల్లో ఆంగ్ల మాధ్యమంలో ప్రవేశాల కోసం ప్రభుత్వం ఫిబ్రవరి 23న కామన్ ఎంట్రన్స్ టెస్ట్ నిర్వహించనుందన్నారు. https://tgcet.cgg.gov.in ద్వారా ఆన్‌లైన్‌లో ఫిబ్రవరి 01వ తేదీలోపు దరఖాస్తులు చేసుకోవాలన్నారు.
News January 9, 2025
విద్యార్థులకు అన్ని సౌకర్యాలు కల్పిస్తాం: ASF కలెక్టర్
ప్రభుత్వ పాఠశాలల్లో విద్యార్థుల సౌకర్యార్థం మౌలిక వసతుల కల్పనకు ప్రత్యేక చర్యలు తీసుకుంటున్నామని ఆసిఫాబాద్ కలెక్టర్ వెంకటేష్ దోత్రే అన్నారు. బుధవారం రెబ్బెన మండలంలోని నంబాల జిల్లా పరిషత్ పాఠశాలను ఆకస్మికంగా సందర్శించారు. తరగతి గదులు, మధ్యాహ్న భోజన నాణ్యత, పరిసరాలు, రిజిస్టర్లను పరిశీలించారు. విద్యార్థులకు తాగునీరు, విద్యుత్, ఇతర మౌలిక సదుపాయాలను కల్పించేందుకు చర్యలు తీసుకుంటామన్నారు.
News January 8, 2025
ADB: బ్యాంకర్ల వేధింపు.. రైతు ఆత్మహత్య
బ్యాంకర్ల వేధింపులతో రైతు ఆత్మహత్య చేసుకున్న ఘటన సిర్పూర్ మండలంలో చోటుచేసుకుంది. SI కమలాకర్ కథనం ప్రకారం.. శివపూర్‌కు చెందిన సంతోష్ ఓ బ్యాంకులో రుణం తీసుకున్నారు. రుణం చెల్లించకుంటే ఇంటికి తాళం వేస్తామని బ్యాంక్ అధికారులు ఇంటికొచ్చి బెదిరించారు. దీంతో మనస్తాపానికి గురైన రైతు మంగళవారం సాయంత్రం పురుగులమందు తాగారు. బాధిత కుటుంబీకులు ఫిర్యాదు చేయగా పోలీసులు కేసు నమోదు చేసి దర్యాప్తు చేస్తున్నారు.